اب وقت آگیا ہے سرفراز احمد کو ہٹا دیا جاناچاہیے سابق ٹیسٹ کرکٹر نے حیران کن مشورہ دے ڈالا
لاہور (مانیٹرنگ ڈیسک) سابق ٹیسٹ کرکٹر آصف اقبال کا کہنا ہے کہ سرفراز احمد کا ٹیسٹ ٹیم کا کپتان برقرار رکھنے کا اقدام درست نہیں ہو گا ۔ وقت آگیا ہے کہ سرفراز احمد کو اپنی توجہ محدود اوورز کی کرکٹ پر مرکوز رکھنے کا موقع دیا جائے ۔ اپنے ایک بیان میں آصف اقبال کاکہناتھا کہ جب ٹیسٹ ٹیم ناکامی سے دو
چار ہوتی ہے تو سرفراز پر تنقید شروع ہوجاتی ہے اور یہ چیز ان کے اپنے کھیل اور اعتماد پر بھی اثر انداز ہورہی ہے۔ ٹیسٹ ٹیم کی قیادت کسی اور کو سونپ دی جانی چاہیے ۔ ورلڈ کپ جیسا میگا ایونٹ آرہا ہے۔ ایسے میں سرفراز کو پریشانیوں اور دبائوسے آزاد کرنا ہو گا۔