پی ایس ایل شروع ہونے سے پہلے ہی علی ترین کو بڑا جھٹکا، اہم کھلاڑی ٹیم سے آؤٹ ہوگیا
لاہور (نیوز ڈیسک )آسٹریلیا کے سابق کپتان اسٹیو اسمتھ فٹنس مسائل کے باعث پی ایس ایل سے باہر ہوگئے ہیں۔پی سی بی کے مطابق آسٹریلین کرکٹ ٹیم کے سابق کپتان اسٹیو اسمتھ انجری کا شکار ہونے کے باعث پی ایس ایل نہیں کھیل پائیں گے۔ اس حوالے سے پی ایس ایل اور ٹیم انتظامیہ کو آگاہ کردیا گیا ہے۔ اسٹیو اسمتھ ٹریننگ کے دوران کہنی پر چوٹ لگنے کے
باعث زخمی ہوئے ہیں۔ پی سی بی نے کہا ہے ملتان سلطانز اسٹیو اسمتھ کی جگہ متبادل کھلاڑی لے سکتی ہے۔ خیال رہے کہ ملتان سلطانز پی ایس ایل کی چھٹی ٹیم ہے جو تحریک انصاف کے رہنما جہانگیر ترین کے صاحبزادے علی ترین نے خریدرکھی ہے۔
