کن کن پاکستانی کھلاڑیوں کی چھٹی ہونے والی ہے بیٹنگ کوچ نے دھماکے دار بیان جاری کر دیا
کیپ ٹاؤن / سنچورین(مانیٹرنگ ڈیسک) پاکستانی کرکٹ ٹیم کے اور ہیڈ کوچ میں ہوئی تلخ کلامی پاکستان کے بیٹنگ کوچ گرانٹ فلاور نے بھی ڈریسنگ روم کے ماحول پر سوال اٹھادیا،ان کا کہناتھا کہٹیم سلیکشن میں میرا کوئی عمل دخل نہیں ہے مگر کچھ کھلاڑیوں کی جگہ خطرے میں ہے، یہ صرف ایک دو بیٹسمینوں کی بات نہیں بلکہ آپ چند پلیئرز پرانگلی
اٹھا سکتے ہیں،گرانٹ فلاور کا کہنا تھا کہ ہم نہیں جانتے کہ اندر کی خبر کس نے افشا کی مگر انھیں آئینے میں دیکھنے کی ضرورت اور اس بات کو یقینی بنانا ہوگا کہ آئندہ ایسا نہیں ہونا چاہیےویسے بھی ٹور ٹیم ورک پرمنحصر ہوتا اور آپ کو ایک دوسرے پر اعتماد کرتے ہوئے فیملی کی طرح پیش آنا ہوتا ہے، مکی آرتھر نے پلیئرز سے کچھ سخت الفاظ کہے مگر ان میں کچھ سچائی بھی تھی، میں سمجھتا ہوں کہ کھلاڑیوں کو کچھ تعجب ہوا مگر انھوں نے مکی آرتھر کی باتیں دھیان سے سنیں، ہرکوئی جانتا ہے کہ وہ بعض اوقات کھلاڑی سے سخت لہجے میں بات کرتے ہیں، وہ ایسا کرنے والے پہلے یا آخری کوچ نہیں ہیں، اگر کھلاڑی مضبوط شخصیت کے مالک ہیں تو وہ نہ صرف باؤنس بیک کریں گے بلکہ ان باتوں کو ایک چیلنج کے طور پر لیں گے۔فلاور نے اظہر علی کی جانب سے ڈین ایلجر کے کیچ کو تھرڈ امپائر کی جانب سے مسترد کرنے پر کہا کہ میرے خیال میں یہ ایک غلط فیصلہ تھا، فیلڈ امپائر جب بیٹسمین کو آؤٹ قرار دے چکا تھا تو ناکافی شواہد پر اس کو برقرار رکھنے کی ضرورت تھی
