شاہدآفریدی ایک بار پھر کرکٹ کے میدان میں اترنے والے ہیں کس میچ سے دوبارہ شروعات کریں گے، مداحوں کےلئے بڑی خبر

کراچی (آئی این پی)پاکستان کرکٹ ٹیم کے سابق کپتان شاہد آفریدی کے قریبی ذرائع اس بات کی تصدیق کررہے ہیں کہ ان پر رواں ماہ شارجہ میں شروع ہونے والی ٹی 10لیگ میں شرکت نہ کرنے کیلئے بے انتہا دبا ئوڈالا جارہا ہے۔تاہم شاہد آفریدی بضد ہیں کہ وہ ٹی 10کے دوسرے ایڈیشن میں نہ صرف کھیلیں گے بلکہ پختونز کے کپتان بھی ہوں گے۔ایسی صورت حال میں عین ممکن ہے کہ شاہد آفریدی 2018 کے برعکس پی ایس ایل میں کراچی کنگز کے اسکواڈ کا حصہ نہیں ہوں گے۔دنیا کے بہترین آل رانڈر جو ماضی میں پشاور زلمی کیلئے دو سیزنز کھیل چکے ہیں، دوبارہ وہاں جاکر ان کے کھیلنے کا کوئی امکان نہیں، البتہ شاہد آفریدی کی نئی ٹیم کے بارے میں ابھی کچھ کہنا قبل ازوقت ہوگا۔اس بات کا فیصلہ 20 نومبر کو اسلام آباد میں منعقدہ ڈرافٹ میں ہوگا جہاں پلاٹینم کیٹگری میں شاہد آفریدی کے ڈرافٹ میں شمولیت کا قوی امکان ظاہر کیا جا رہا ہے۔