پاکستان نے بھارت کے پرخچے اُڑا دیئے ، سب سے زیادہ ٹی 20میچز جینے کا ریکارڈ اور کون سا اعزاز اپنے نام کر لیا ؟ کھیل کے میدان سے شائقین کیلئے دھماکہ خیز خبر آگئی
اسلام آباد(نیو زڈیسک) پاکستان نے بھارت کا ایک سال میں سب سے زیاد ہ ٹی ٹونٹی میچز جیتنے کا ریکارڈ توڑڈالا ہے ۔ گرین شرٹس نے رواں سال اب تک 16ٹی ٹونٹی میچز جیت رکھے ہیں جو ایک سال کے دوران کسی بھی ٹیم کی جانب سے جیتے گئے سب سے زیادہ میچز ہیں ، اس سے قبل یہ ریکارڈ بھارت کے پاس تھا جس نے2016ءمیں 15ٹی ٹونٹی میچز اپنے نام کیے تھے ۔یاد رہے کہ 3ٹی ٹونٹی میچز پر مشتمل سیریز کے دوسرے میچ میں پاکستا ن نے نیوزی لینڈ کو 6وکٹوں سے ہرا دیا ۔ دبئی انٹرنیشنل سٹیڈیم میں کھیلے گئے میچ میں نیوزی لینڈ نے ٹاس جیت کر بیٹنگ کا فیصلہ کیا۔نیوزی لینڈ کی جانب سے اننگز کا آغاز کولن منرو اور گلین فلپس نے جارحانہ انداز میں کیا۔50کے مجموعی سکور پر گلین لپس 5رنز بنا کر شاہین آفریدی کے بال پر وکٹ کے پیچھے کیچ آؤٹ ہوئے ، جارح مزاج کولن منرو 44رنز بنا کر محمد حفیظ کی گیند پر سرفراز احمد کے ہاتھوں سٹمپ آؤٹ ہوئے ، کون ڈی گرینڈ ہوم4رنز بنا عماد وسیم کی گیند پر شعیب ملک کے ہاتھوں کیچ آؤٹ ہوئے ، پہلے میچ میں پاکستان کے لیے خطرہ بننے والے روس ٹیلرمحض3رنز بنا کر آصف علی اور شاداب خان کی جابکدستی کا شکار ہوکر پوویلین لوٹ گئے ، ولیمسن اور کورے اینڈر سن نے پانچویں وکٹ کیلئے 42رنز کی شراکت داری قائم کی جس کے بعد کین ولیمسن37رنز بنا کر شاہین آفریدی کی گیند پر فخر زمان کے ہاتھوں کیچ آؤٹ ہوئے ،ٹم سائیفرٹ11رنز بنا کر شاہین آفریدی کی تیسری وکٹ بنے ،ٹم ساؤتھی بغیر کوئی رن بنائے رن آؤٹ ہوگئے ،کورے اینڈرسن کے 44ناٹ آؤٹ رنز کی بدولت کیویز نے مقررہ اوورز میں7وکٹوں پر153رنز بنا ئے ۔پاکستان کیلئے شاہین آفریدی نے 3جبکہ عماد اور حفیظ نے ایک ، ایک وکٹ لی ۔ پاکستان کے لیے فخر زمان اور بابر اعظم نے اننگز کا آغاز کیا اور پہلی وکٹ کیلئے 40رنز جوڑے جس کے بعد فخر زمان 24رنز بنا کر ایڈم ملنے کی گیند پر کین ولیمسن کے شاندار کیچ کے نتیجے میں پوویلین لوٹے ،بابر اعظم اور آصف علی نے دوسری وکٹ کیلئے56رنز جوڑے جس کے بعد بابر اعظم40رنز بناکر ٹم سا ؤتھی کا شکار بن گئے ،،ان کی اننگز 4 چوکوں سے مزین تھی،آصف علی 38رنز کی باری کھیلنے کے بعد کولن منرو کی فل ٹاس گیند پر ایل بی ڈبلیو آؤٹ ہوگئے ،انہوں نے دوران بیٹنگ 2 چھکے اور ایک چوکا لگایا۔شعیب ملک ایک چھکے کی مدد سے10رنز بنا کر ایڈم ملنے کی گیند پر پوویلین لوٹ گئے ،پاکستان نے مقررہ ہدف 4 وکٹ 19 اعشاریہ4 اوورز میں حاصل کرلیا،پاکستان کی بیٹنگ کی خاص بات بابر اعظم 40،آصف علی 38، فخرزمان 24 اور محمد حفیظ کی ناقابل شکست 34 رنز کی اننگز رہی۔گرین شرٹس نے سرفراز احمد کی قیادت میں یہ مسلسل 11 ویں سیریز جیتی ہے، اس وقت آئی سی سی کی ٹی 20 رینکنگ میں پاکستان 136 پوائنٹس کےساتھ سرفہرست ہے۔نیوزی لینڈ کےخلاف قومی سکواڈ سرفراز احمد(کپتان و وکٹ کیپر)، فخر زمان، بابراعظم، محمد حفیظ، شعیب ملک، آصف علی، فہیم اشرف، عماد وسیم، حسین طلعت، حسن علی، شاداب خان، شاہین شاہ آفریدی، صاحبزادہ فرحان، عثمان خان اور وقاص مقصود پر مشتمل ہے۔پاکستان نے 31 اکتوبر کو کھیلے گئے پہلے ٹی ٹونٹی میچ میں دلچسپ مقابلے کے بعد کیویز کو 2 رنز سے شکست دی تھی۔ابوظہبی میں منعقدہ پہلے مقابلے میں پاکستان ٹیم ایک بار پھر 150 سے کم ہدف کا دفاع کرنے میں کامیاب ہوئی، یہ مسلسل چوتھا موقع تھا کہ بیٹسمینوں کی جانب سے 150 سے کم رنز بنائے جانے کے باوجود باؤلرز نے فتح ٹیم کے نام کر دی۔مضبوط کیوی بیٹنگ لائن نے بہتر کھیل پیش کیا،ابتدا میں کولن منرو کی جارحانہ بیٹنگ اور پھر روس ٹیلر کی ثابت قدمی کے باوجود گرین شرٹس نے اعصاب پر قابو رکھتے ہوئے فتوحات کا سلسلہ ٹوٹنے نہیں دیا، باؤلرزبھی زبردست فارم میں ہیں،حسن علی نے ابوظہبی میں میچ کا پانسہ پلٹنے میں اہم کردار ادا کیا، سپنرز نے بھی اپنا کردار نبھایا اور خاص طور پر محمد حفیظ نے باؤلنگ ایکشن کی اصلاح کے بعد پہلی بار میچ وننگ کارکردگی دکھائی،پاکستانی بیٹنگ کی پرفارمنس میں کینگروز کےخلاف سیریز میں عدم تسلسل نظر آیا تھا، کیویز کے خلاف پہلے میچ میں مڈل آرڈرقدرے سنبھل گئی۔
