پاکستان کرکٹ بورڈ نے بھارت سمیت کئی ملکوں کو کس کام کی دعوت بھجوا دی ، چونکا دینے والی خبر
لاہور(آئی این پی)پاکستان کر کٹ بورڈ( پی سی بی) نے ایشین کرکٹ کونسل کے اجلاس کیلئے تیاریاں شروع کردی ہیں۔ ایشین کرکٹ کونسل کا اجلاس 17 نومبر کو لاہور میں ہورہا ہے جس کے لیے پی سی بی نے تیاریاں شروع کردی ہیں۔ اس سلسلے میں بھارت سمیت تمام رکن ممالک کو دعوت نامے بھجوادیئے گئے ہیں۔ ذرائع کے مطابق تمام رکن ممالک کی تصدیق
کی بعد باقاعدہ طور پر اعلان کردیا جائے گا۔ایشین کرکٹ کونسل کے اجلاس کی صدارت اس وقت پاکستان کے پاس ہے اور حال ہی میں بورڈ سربراہ احسان مانی نے عہدہ سنبھالنے کے پعد پہلی بار اجلاس کو چیئر کیا تھا۔ ان سے پہلے سابق چیئرمین نجم سیٹھی یہ ذمہ داریاں نبھارہے تھے۔ پاکستان کی دوسالہ مدت اب ختم ہورہی ہے اور رولز کے تحت بنگلہ دیش بورڈ کی اگلی باری ہے۔لاہور میں شیڈول اجلاس میں بنگلا دیش بورڈ کے صدر ناظم الحسن نئے صدر بن جائیں گے۔ اجلاس میں خطے میں کرکٹ کے فروغ کے حوالے سے تجاویز پر بھی تبادلہ خیال ہوگا، اہم ایونٹس کی منظوری بھی دیئے جانے کا امکان ہے۔
