لاہور (مانیٹرنگ ڈیسک) قومی ٹیم کے مایہ ناز فاسٹ بائولر محمد عامر نے اپنے کیرئیر کاایک اہم فیصلہ کرتے ہوئے ٹیسٹ کرکٹ سے ریٹائرہونے کی ٹھان لی ہے۔ میڈیا رپورٹس کے مطابق دورہ انگلینڈ کی ٹیسٹ سیریز فاسٹ باؤلر محمد عامر کی آخری سیریز ہو گی۔ یاد رہے کہ محمد عامر کو دورہ اسکاٹ لینڈ میں ٹیسٹ سیریز کے دوران کندھے کا درد نکل آیا تھا۔دو روز قبل منظر عام پر آنے والی خبروں کے مطابق پاکستان کرکٹ ٹیم کے ہیڈ کوچ مکی آرتھر قومی فاسٹ باؤلر محمد عامر کے مستقبل کا لائحہ عمل تیار کرنے کے لیے چیف سلیکٹر انضمام الحق سے اہم میٹنگ کرنے
کا اعلان کیا تھا۔ایک انٹرویو میں پاکستان کرکٹ ٹیم کے ہیڈ کوچ مکی آرتھر نے انکشاف کیا تھا کہ تیار کردہ پلان سلیکشن کمیٹی کو دیا جائے گا جو محمد عامر کو اس سے آگاہ کرے گی۔ تاہم اب محمد عامر نے ٹیسٹ کرکٹ سے ریٹائرمنٹ لینے کا فیصلہ کیا ہے۔
یہ بھی پڑھیں: ماروی میمن کی پکی چھٹی بہت جلد کیا ہونے والا ہے ؟؟؟ ، بڑی خبر آگئی
