میلبرن: بھارت کے معروف صحافی اور اینکر وکرانت گپتا نے پاکستان ٹیم کی کارکردگی کو سراہتے ہوئے کہا ہے کہ پاکستانی ٹیم کو ورلڈکپ جیتنا چاہیے۔ وکرانت گپتا نے کہا ‘انڈیا میں بیٹھ کر کہہ رہا ہوں، پاکستان نے جو نیوزی لینڈ کے خلاف کرکٹ کھیلی ہے، اگر یہ لوگ ورلڈ کپ نا جیتے تو میں حیران ہو جاؤں گا۔میں کہتا ہوں اس ٹیم کے پاس سب کچھ ہے، پرانی والی پاکستانی ٹیم کوئی اور تھی، یہ وہ نہیں ہے۔ شاہین شاہ آفریدی نے نیوزی لینڈ کے خلاف آکر جو بولنگ کی، مجھے لگ رہا تھا وسیم اکرم بولنگ کر رہا ہے’۔
اس کے علاوہ بھارتی صحافی وکرانت گپتا نے بابر اعظم اور رضوان کی اوپننگ شراکت داری کو بھی سراہا۔واضح رہے کہ بھارت کو انگلینڈ کے ہاتھوں سیمی فائنل میں بدترین شکست ہوئی جس کے بعد وہ ٹورنامنٹ سے باہر ہوگیا جبکہ پاکستان اور انگلینڈ کے درمیان فائنل کل میلبرن کرکٹ گراؤنڈ میں کھیلا جائے گا۔
