کرائسٹ چرچ : سہ ملکی ٹی ٹوئنٹی سیریز میں نیوزی لینڈ نے پاکستان کو شکست دے دی ہے، پاکستان کی بیٹنگ کے بعد بولنگ میں ناقص کارکردگی کے باعث نیوزی لینڈ نے پاکستان کو 9 وکٹوں سے شکست دے دی ۔ تفصیلات کے مطابق پاکستان نے پہلے بیٹنگ کرتے ہوئے 7 وکٹوں کے نقصان پر 130رنز بنائے ، کپتان بابر اعظم 21 ، محمد رضوان 16 ، شان مسعود 14، اور افتخار احمد نے 27 رنز بنائے ، آصف علی 25 سکور کیا ، اس کے علاوہ کوئی بھی کھلاڑی ڈبل فگر میں بھی داخل نہ ہو سکا ، پاکستان کی جانب سے پوری اننگز میں ایک چھکا بھی نہ لگ سکا ۔

پاکستان کے 131رنز کے ہدف کے تعاقب میں نیوزی لینڈ کے اوپننگ بلے بازوں نے ہی تقریبا سکور مکمل کر دیا ، فن ایلن 42گیندوں پر 62 سکور بنا کر آوٹ ہوئے جبکہ ڈیون کینوے 49 رنز بنا کر ناٹ آؤٹ رہے ، دونوں ا وپنرز کی بہترین کارکردگی کے باعث نیوزی لینڈ نے 16.1 اوور میں ہدف حاصل کر لیا۔