لاہور : پاکستان کرکٹ بورڈ (پی سی بی ) کے چیئرمین رمیز راجہ کا کہنا تھا کہ جیسے ہی مجھے گالیاں پڑیں گی میں کمنٹری کی جانب واپس چلا جائوں گا ۔ کراچی میں پریس کانفرنس کے دوران ایک صحافی نے 59 سالہ رمیز راجہ سے سوال کیا کہ آپ کمنٹری اور یوٹیوب چینل کو کتنا مس کررہے ہیں؟۔ اس سوال کے جواب میں رمیز راجہ کا کہنا تھا کہ میں نے پہلے ہی پلان بنایا ہوا ہے کہ جب مجھے زیادہ گالیاں پڑیں گی میں اسی وقت کمنٹری کی جانب واپس چلا جائوں گا، ابھی تک 3 مہینے میں گالیاں کم پڑیں ہیں، ایک اور صحافی نے رمیز راجہ سے پوچھا کہ اگر آپ کمنٹری کی جانب واپس گئے تو اسے کیا ہم یوٹرن کہہ سکتے ہیں؟، اس کے جواب میں رمیز راجہ نے کہا کہ آپ اسے یوٹرن نہیں بلکہ ریالٹی چیک کہ سکتے ہیں ۔
