ڈھاکہ: قومی کرکٹ ٹیم کے فاسٹ باؤلر حسن علی ٹی 20 ورلڈ کپ کے دوران اپنی ناقص پرفارمنس پر خود میدان مین آگئے۔
ٹوئٹر پر حسن علی نے اپنے پیغام کا آغاز ان اشعار سے کیا۔۔۔
“میرا سینہ تیری حُرمت کا ہے سنگین حصار
میرے محبوب وطن تُجھ پہ اگر جاں ہو نثار
میں یہ سمجھوں گا ٹھکانے لگا سرمایہِ تن
اے میرے پیارے وطن”
نور مقدم قتل کیس، سی سی ٹی وی ویڈیوز سامنے آگئیں، دیکھ کر دل دہل جائے
انہوں نے پاکستانیوں کو مخاطب کرکے کہا” مجھے اس بات کا اندازہ ہے کہ آپ سب مایوس ہیں کیونکہ میری پرفارمنس آپ کی توقعات کے مطابق نہیں تھی، اپنی اس پرفارمنس پر آپ مجھ سے زیادہ مایوس نہی ہیں، مجھ سے اپنی توقعات تبدیل نہ کریں، میں پاکستان کرکٹ کی اعلیٰ معیار کے ساتھ خدمت کرنا چاہتا ہوں اسی لیے سخت محنت شروع کردی ہے، زندگی کا یہ مرحلہ مجھے اور مضبوط بنائے گا، الحمد للہ۔” انہوں نے سیمی فائنل کے بعد میسجز ، ٹویٹس، کالز اور دعائیں کرنے والوں کا شکریہ ادا کرتے ہوئے کہا کہ انہیں اس کی سب سے زیادہ ضرورت تھی۔ خیال رہے کہ ٹی ٹوئنٹی ورلڈ کپ کے سیمی فائنل میچ میں حسن علی نے آسٹریلیا کے میتھیو ویڈ کا انتہائی اہم مرحلے پر کیچ چھوڑ دیا تھا جس کے بعد میتھیو ویڈ نے لگاتار تین چھکے لگا کر اپنی ٹیم کو فتح دلا دی۔ اس کیچ چھوٹنے کے باعث حسن علی کو سوشل میڈیا پر کڑی تنقید کا سامنا تھا۔
پاکستانی کرکٹ سے کتنا پیار کرتے ہیں؟ آئی سی سی نے ویڈیو شیئر کرتے ہوئے بڑا اعتراف کرلیا
ادارے اپنی غلطیوں کی قوم سے معافی مانگیں تاکہ ہم ایک قوم بن سکیں، مولانا فضل الرحمان
میرا سینہ تیری حُرمت کا ہے سنگین حصار،
میرے محبوب وطن تُجھ پہ اگر جاں ہو نثارمیں یہ سمجھوں گا ٹھکانے لگا سرمایہِ تن،
اے میرے پیارے وطن 💚🇵🇰 pic.twitter.com/4xiTS0hAvx— Hassan Ali 🇵🇰 (@RealHa55an) November 13, 2021
