نئی دہلی(ویب ڈیسک) بھارتی اداکارسلمان خان کو قتل کرنے کی منصوبہ بندی ناکام بنا دی گئی، فرید آباد پولیس نے شارپ شوٹر سمیت 4افراد کو گرفتار کرلیا، تفصیلات کے مطابق پولیس نے بالی وڈ کے دبنگ اداکار سلمان خان کو قتل کرنے کی منصوبہ بندی ناکام بناتے ہوئے شارپ شوٹرکو ساتھیوں سمیت گرفتار کرلیا ۔ فریدآباد پولیس کے مطابق لارنس بشنوئی گینگ کے ایک شارپ شوٹر نےایک چونکا دینے والا انکشاف کیا۔ اس نے سلمان خان کے باندرا کی رہائش گاہ کے قریب بھارتی اداکار کو قتل کرنے کے مقصد سے ایک گھر کرائے پر حاصل کیا اور دو دن تک اس علاقے میں گشت کرتا رہا۔ اس نے یہ کام بشنوئی اور سمپت نہرہ کے کہنے پر کیا ، تاہم وہ کورونا وائرس کی وجہ سے یہ کام نہ کر سکے ۔
ملزم سمپت نہرا 2018ء میں سلمان کو قتل کرنے کی منصوبہ بندی میں گرفتار ہو چکا ہے۔ پولیس کے مطابق ممکنہ طور پر سنپت نہرا اداکار کو لارینس بشنوئی کے کہنے پر قتل کرنا چاہتے تھے، کیوں کہ لارینس سلمان خان کو جنوری میں قتل کرنے کی دھمکی دے چکاتھا۔ حیدرآباد سے گرفتار کیے گیے سنپت نہرا نے انکشاف کیا کہ انہوں نے 2 ماہ تک سلمان خان کے گھر کی ریکی کرنے سمیت ان کے آنے جانے اور گھر کی سیکیورٹی سے متعلق بھی معلومات حاصل کرلی تھی۔ ملزم نے اس سے قبل اس بات کا بھی اعتراف کیا کہ اس نے سلمان خان کو عین اس وقت قتل کرنے کی منصوبہ بندی بھی بنا لی تھی جب وہ نایاب کالے ہرن کے شکار کیس میں رواں برس اپریل میں 2 دن جیل میں گزارنے کے بعد گھر واپس آئے تھے۔ ملزم نے سلمان خان کو عین اس وقت قتل کرنے کا منصوبہ بھی بنا رکھا تھا، جب اداکار جیل سے رہائی کے بعد ممبئی میں اپنے گھر کی بالکونی سے مداحوں کو ہاتھ ہلا کر جواب دے رہے تھے، تاہم ملزمان اپنے مقصد میں ناکام رہے۔
