لاہور: معروف ڈرامہ نگار خلیل الرحمن قمر کے انٹرویو میں جواب تبدیل کر دیا گیا۔تفصیلات کے مطابق بتایا گیا ہے کہ بھارتی میڈیا نے معروف ڈرامہ نگار خلیل الرحمن کا انٹرویو کیا جس میں ان سے سوال کیا گیا کہ کیا آپ بھارت کے لیے کوئی فلم یا ڈرامہ لکھیں گے؟۔جس پر خلیل الرحمان نے جواب دیا کہ جب تک نریندر مودی بھارت کے وزیراعظم ہیں تب تک ایسا ممکن نہیں۔ تاہم جب یہ انٹرویو اپلوڈ کیا گیا تو اس میں خلیل الرحمن کے انٹرویو میں جواب کو تبدیل کر دیا گیا۔ویب سائٹ پر شائع جواب کے مطابق خلیل الرحمن نے کہا کہ میرے خیال میں موجود سیاسی صورتحال میں یہ ممکن نہیں۔خلیل الرحمان نے بھی جواب تبدیل کرنے پر ناراضی کا اظہار کیا۔واضح رہے کہ خلیل الرحمن پاکستان کے صفِ اول کے ڈرامہ رائیٹر ہیں۔
حال ہی میں ان کے تحریر کردہ ڈرامہ ’میرے پاس تم ہو‘ نے مقبولیت کے ریکارڈ توڑ دئیے،لیکن گذشتہ روز سے خلیل الرحمن تنقید کی زد میں ہیں کیونکہ انہوں نے خاتون سماجی کارکن کے لیے نازیبا الفاظ کا استعمال کیا۔ ہ خلیل الرحمان قمر اور خاتون صحافی ماروی سرمد کے درمیان انتہائی تلخ جملوں کا تبادلہ ہوا تھا جس کے بعد اس پر سوشل میڈیا پر خوب بحث چھڑی ہوئی ہے۔، خلیل الرحمان قمر ماروی سرمد پر برس پڑے تھے انہوں نے کہا اپنا جسم دیکھو جا کے، تھوکتا نہیں ہے کوئی آپ کے جسم پر، تیرے جسم میں ہے کیا، اس پر مرضی چلاتا کون ہے؟ بے حیا عورت کے جسم پر کوئی تھوکتا بھی نہیں ہے۔ شوبز ستاروں اور میڈیا نمائندگان کی جانب سے بھی تنقید کی جارہی ہے اور مطالبہ کیا جا رہا ہے کہ ان کو مزید کام دینے سے روکا جائے۔ اسی دوران خلیل الرحمان قمر کی ایک ویڈیو سوشل میڈیا پر وائرل ہو رہی ہے جس میں انہوں نے کہا ہے کہ وہ ایک محاذ پر ہیں۔ انہوں نے عوام سے اپیل کی ہے وہ ان کے لئے دعا کریں اور ان کا ساتھ بھی دیں تا کہ وہ اس مشن میں کامیاب ہو سکیں۔ ان کا کہنا تھا کہ آپ میرے لئے دعا کریں کہ مجھے کامیابی ملے اور ہمارے معاشرے میں سے بے حیائی مکمل طور پر ختم ہو جائے۔
