کراچی ( ویب ڈیسک) سندھ پولیس کے آئی جی سید کلیم امام نے انکشاف کیا ہے کہ میرے خاندان کو ڈاکو لوٹ چکے ہیں لیکن اس سب کے باوجود میں آپ سب کے سامنے مسکرا رہا ہوں، ساس، بھائی، بہن، بھانجھے اور بھتیجے ڈاکوؤں کے ہاتھوں لگ چکے ہیں۔ تفصیلات کے مطابق کراچی میں ایک تقریب سے خطاب کرتے ہوئے سید کلیم امام کا کہنا تھا کہ اگر کسی کی ساس کی چوڑیاں ڈاکو لوٹ کر چلے جائیں تو اس شخص کی زندگی خاص طور پر ازدواجی زندگی پر کیا اثر ہوگا؟ آئی جی سندھ کے بیان پر سوشل میڈیا صارفین بھی میدان میں آگئے، اور طرح طرح اور دلچسپ تبصروں کا آغاز ہوا۔
IG Sindh reveals his own family had been looted by street criminals. "My mother -in-law was looted…My nephews were looted…My sister & brother were looted…But I'm still smiling in front of you". KEEP SMILING KARACHI 🙂 pic.twitter.com/6rdK4YzbE3
— Fazil Jamili (@faziljamili) October 12, 2019
آئی جی سندھ کے اس بیان کے بعد سوشل میڈیا پر ایک بحث چھڑی ہوئی ہے کہ اگر پولیس سربراہ کا خاندان محفوظ نہیں ہے تو باقی لوگوں کا کیا ہوگا۔آئی جی سندھ کے خطاب کی ویڈیو سوشل میڈیا پر بھی وائرل ہو رہی ہے اور صارفین پولیس کی کارکردگی پر مختلف طرح کے سوالات اُٹھا رہے ہیں۔سماجی رابطے کی ویب سائٹ ٹوئٹر پر ایک صارف منور علی رند نے آئی جی کے خطاب کی ویڈیو دیکھ کر لکھا کہ ’تو پھر انہیں یہ عہدہ چھوڑ دینا چاہیے اور ان کی جگہ کسی باصلاحیت شخص کو تعینات کرنا چاہیے۔‘
