اسلام آباد(ویب ڈیسک) آئندہ 24 گھنٹوں کے دوران میں ملک کے بیشتر علاقوں میں بارش کا امکان ہے، محکمہ موسمیات کے مطابق بدھ کے روز خیبر پختو نخوا ( ضلع مانسہرہ، ہری پور، ایبٹ آباد ، سوات، دیر، صوابی، چارسدہ، نوشہرہ،پشاور، مردان ، کوہاٹ، پاراچنار ، بنوں اور ڈی آئی خان)، جنوبی پنجاب (ضلع ڈی جی خان، ملتان، بہاولپور، راجن پور، رحیم

یار خان اورمظفر گڑھ ) میں بارش کا امکان ہے۔ ہم نیوز کے مطابق اس کے علاوہ مظفر آباد سمیت کشمیر کے تما م اضلاع ،گلگت بلتستان اور بلوچستان کے اضلاع(کوئٹہ، ژوب اور قلات) میں کہیں کہیں جبکہ بالائی /وسطی پنجاب (ضلع راولپنڈی ، گوجرانوالہ ، سیالکوٹ، نارووال، گجرات، سرگودھا ، اٹک، چکوال اور اسلام آباد) اور بالائی سندھ (ضلع سکھر ، لاڑکانہ ، شکارپور،گھوٹکی اور جیکب آباد ) کے اضلاع میں چند مقامات پر گرج چمک کیساتھ بارش کا امکان ہے۔گزشتہ روزملک کے بیشتر علاقوں میں موسم خشک رہا تاہم راولپنڈی، گوجرانوالہ ، مالاکنڈ، ہزارہ، قلات ، ژوب، کشمیراور گلگت بلتستان کے اضلاع میں چند مقامات پر تیز ہواؤں اور گرج چمک کیساتھ بارش ہوئی ۔ سب سے زیادہ بارش :پنجا ب : مری 04 ، ناروال 01، خیبرپختونخواہ: کاکول 03، مالم جبہ 01، کشمیر:مظفر آبا د(سٹی 06، ائیر ُپورٹ04)، راولاکوٹ 03، بلوچستان: لسبیلہ 14، بارکھان 02، گلگت بلتستان: بگروٹ میں 02 ملی میٹر بارش ریکارڈ کی گئی۔کل ریکارڈکیےگئےگرم ترین مقامات کےدرجہ حرارت میں نوکنڈی،سبی 41 اور دالبندین میں 40 ڈگری سینٹی گریڈ ریکارڈ کیا گیا۔