اسلام آباد (مانیٹرنگ ڈیسک) بوستان کے قریب صوبائی وزیربلوچستان حاجی نورمحمد خان دومڑ کی گاڑی کی گاڑی حادثے کا شکار ہوگئی، حادثے میں صوبائی وزیر کی بھتیجی جاں بحق،2 بیٹیاں شدید زخمی ہو گئیں،گاڑی میں صوبائی وزیرنور محمد کے اہلخانہ سوار تھے۔ میڈیا رپورٹس کے مطابق لیویز ذرائع کا کہنا ہے کہ صوبائی وزیر بلوچستان نورمحمد دمڑ کی گاڑی کی گاڑی حادثے کا شکار ہوگئی۔ حادثے کی شکار گاڑی میں صوبائی وزیرنور محمد کے اہلخانہ سوار تھے۔
حادثے میں صوبائی وزیر کی بھتیجی جاں بحق،2 بیٹیاں شدید زخمی ہو گئیں۔ ریسکیو ٹیموں نے حادثے میں زخمی ہونے والوں کو سول اسپتال منتقل کردیا ہے۔ واضح رہے صوبائی وزیربلوچستان حاجی نورمحمد خان دومڑ کا تعلق بلوچستان عوامی پارٹی سے ہے۔ حاجی نورمحمد خان دومڑ نے جنرل الیکشن 2018ء میں حلقہ پی بی 6 سے کامیابی حاصل کی اوربلوچستان حکومت میں بطور صوبائی وزیر پبلک ہیلتھ اینڈ انجیئرنگ ذمہ داریاں سرانجام دے رہے ہیں۔
