گلگت( آن لائن ) ضلع شِگر میں گھروں میں آگ لگنے سے بچوں اور خواتین سمیت ایک ہی خاندان کے 5 افراد جاں بحق ہوگئے۔اس حوالے سے بتایا گیا کہ اپر شگر کے گاں بھاشا میں آگ نے 6 گھروں کو اپنی لپیٹ میں لے لیا۔بتایا گیا کہ جاں بحق ہونے والوں میں خاتون، ان کے دو بچے، بیٹی اور ان کی دادی شامل ہیں۔پولیس نے بتایا کہ جاں بحق ہونے والوں کی شناخت سکینہ، بہن بانو (7 سالہ)، دو بھائی علی حسن (5سالہ)، علی عباس (3سالہ) کے نام سے ہوئی۔آگ سے قریبی گھر بھی متاثر ہوئے تاہم پولیس نے واقعہ کے اسباب سے متعلق کچھ نہیں بتایا۔

اس حوالے سے قیاس کیا جارہا ہے کہ متاثرہ خاندان نے سونے سے قبل سردی سے بچنے کے لیے ہیٹرچلا دیا ہوگا جس کے نتیجے میں آگ بھڑک اٹھی۔بتایا گیا کہ اڑوس پڑوس کے لوگوں نے متاثرہ گھر پہنچ کر دیگرافراد کو بچایا اور آگ پر قابوپایا۔علاقے میں مواصلات کی ناقص سہولیات کی وجہ سے ریسکیو 1122 اور ضلعی انتظامیہ سے رابطہ نہیں ہوسکا۔تاہم ضلع شگر کے کمشنر، ایس، جی بی ڈیزاسٹر مینجمنٹ اتھارٹی اور ریسیو 1122 نے جائے حادثہ پر پہنچے اور اپنی خدمات پیش کیں۔اس حوالے سے کمشنر بلتستان سید علی اصغر نے کہا کہ متاثرہ خاندان کو معاوضہ دیا جائیگا