اللہ کس انسان کو اولاد کے دکھ سے بچائے سابق وزیراعظم یوسف رضا گیلانی کی بیٹی فضہ گیلانی کے بارے میں ایسی خبر کہ جان کر آپ کو بھی بے حد دکھ ہو گا
لاہور(آئی این پی) فیملی کورٹ نے سابق وزیراعظم یوسف رضاگیلانی کی بیٹی فضہ گیلانی کے بچے کی اپنے والد سے ملاقات کیلئے درخواست پر فضہ گیلانی کے وکیل سے آج (ہفتہ) دلائل طلب کر لئے۔ فیملی کورٹ کے جج فہیم الحسن نے فضہ بتول گیلانی کے سابق شوہر کی درخواست پر سماعت کی۔ یوسف رضاگیلانی کی بیٹی نے اپنے سابق شوہر خرم خان سے
طلاق لے رکھی ہے۔ فیملی کورٹ میں درخواست گزار خرم خان نے استدعا کر رکھی ہے کہ اس کے بیٹے اسفند یار علی خان سے سابقہ بیوی کے گھر کی بجائے احاطہ عدالت میں ملاقات کروائی جائے کیونکہ سابق بیوی کے گھر ملاقات میں ماحول پرسکون نہیں ہوتا اور ڈی ایچ اے میں سابق بیوی کے گھر بیٹے سے ملاقات میں مشکلات پیش آ رہی ہیں۔ درخواست گزار خرم خان کے مطابق بچہ اسفند یار خاں ابھی سات سال کا ہے اور ماں کے پاس ہے، والد سے آزاد ماحول میں احاطہ عدالت میں شیڈول کے مطابق ملاقات کروانی ضروری ہے۔ جس پر عدالت نے فضہ گیلانی کے وکیل سے دلائل طلب کرتے ہوئے کیس کی مزید سماعت آج (ہفتہ )تک ملتوی کر دی ۔
