مولانا سمیع الحق کی نماز جنازہ کب ادا کی جائے گی ان کی تدفین کہاں ہو گئی، اعلان کر دیا گیا
راولپنڈی (مانیٹرنگ ڈیسک)سربراہ جے یو آئی (س) مولانا سمیع الحق کی افسوسناک شہادت کے واقعے کے بعد اب ان کی نماز جنازہ اور تدفین کےمقام کے حوالے سے اہم خبر آگئی ہے۔ میڈیا رپورٹس کے مطابق مولانا سمیع الحق کے اہل خانہ نے ان کا پوسٹ مارٹم کرنے سے انکار کر دیا ہے اور خاندانی ذرائع کا کہنا ہے کہ ان کی میت کو اکوڑہ خٹک لے جایا جائے گا جہاں کل دوپہر 2 بجے نماز جنازہ ادا کی جائے گی۔واضح رہے کہ مولانا سمیع الحق کو نامعلوم قاتلوں نے راولپنڈی میں واقع ان کے گھر میں گھس کر چاقو کے وار کر کے شہید کر دیا۔ پولیس نے واقعے کی تحقیقات شروع کر دی ہیں اور ملازمین کے بیانات بھی ریکارڈ کئے جا رہے ہیں۔
