پاکستان نے بھارتی جاسوس کلبھوشن یادیو کے معاملے پر تحقیقات کا دائرہ کار وسیع کرنے کا فیصلہ کر لیا ہے۔ تفصیلات کے مطابق پاکستان نے بھارت سے کلبھوشن یادیو کے نیٹ ورک تک رسائی مانگ لی ہے۔ پاکستان یہ معاملہ عالمی عدالت انصاف میں بھی اُٹھائے گا۔ ذرائع نے بتایا کہ پاکستان نے بھارت کو آگاہ کیا کہ پاکستان بھارتی جاسوس کلبھوشن یادیو کے
نیٹ ورک میں موجود دو درجن سے زائد افراد کے بیانات ریکارڈ کرنا چاہتا۔ جبکہ کلبھوشن اور اس کے نیٹ ورک کے پاکستان مخالف جرائم کا جائزہ بھی لیا جائے۔ خیال رہے کہ کلبھوشن یادیو اس وقت پاکستان کی حراست میں ہے ، کلبھوشن یادیو نے اپنے ویڈیو پیغام میں بارہا پاکستان مخالف سرگرمیوں میں ملوث ہونے کا اعتراف کیا تھا۔ گذشتہ برس 25 دسمبر کو کلبھوشن یادیو سے جذبہ خیر سگالی کے تحت اس کی اہلیہ اور والدہ کی ملاقات بھی کروائی گئی تھی۔ تاہم اب پاکستان نے کلبھوشن کے معاملات پر اپنی تحقیقات کا دائرہ کار وسیع کرنے کا فیصلہ کر لیا ہے۔
