اربوں کی زمین ہتھیانے کے الزام میں گرفتار منشا بم اپنے انجام کو پہنچنے لگا اب تک کا بڑا قدم اٹھا لیا گیا

اسلام آباد (آئی این پی)اربوں روپے کی زمین پر قبضوں میں ملوث منشا بم کا نام ای سی ایل میں ڈال دیا گیا‘وزارت داخلہ نے ایف آئی اے کی درخواست پر منشا بم کا نام ای سی ایل پر ڈالا ہے۔ تفصیلات کے مطابق سپریم کورٹ نے زمینوں پر قبضے اور اربوں روپے کے گھپلوں کے الزام میں 11 اکتوبر کو منشا بم اور اس کے بیٹوں کے نام ای سی ایل میں ڈالنے کے احکامات جاری کیے تھے جس کے بعد ایف آئی اے کی درخواست پر وزارت داخلہ نے منشا بم کا نام ای سی ایل پر ڈال دیا۔ چند روز قبل منشا

بم نے خود سپریم کورٹ میں پیش ہو کر گرفتاری دی تھی۔ واضح رہے کہ سپریم کورٹ نے زمینوں پر قبضے اور اربوں روپے کے گھپلوں کے الزام میں 11 اکتوبر کو منشا بم اور اس کے بیٹوں کے نام ای سی ایل میں ڈالنے کے احکامات جاری کیے تھے۔ سپریم کورٹ نے پنجاب پولیس کو منشا بم کو گرفتار کرنے کا حکم دیا تھا تاہم پنجاب پولیس اسے گرفتار کرنے میں ناکام رہی تھی اور پھر چند روز قبل منشا بم نے خود سپریم کورٹ میں پیش ہو کر گرفتاری دی تھی۔