اسلام آباد(ویب ڈیسک) حکومت مخالف سوشل میڈیا صارفین نے دعویٰ کیا ہے کہ خاتون اول بشریٰ بی بی کی صاحبزادی مہرالنسا کو ساڑھے سات لاکھ روپے پروزیراعظم کی معاون خصوصی تعینات کردیا گیا لیکن اب پاکستان تحریک انصاف نے اس کی حقیقت بتادی اور کہاہے کہ یہ خبرجھوٹی ہے ۔ تفصیل کے مطابق سوشل میڈیا صارف مسرت احمدزیب نے ٹوئٹر پر لکھاکہ بشریٰ بی بی کی بیٹی مہرو کوساڑھے سات لاکھ ماہانہ تنخواہ پر وزیراعظم کا معاون تعینات کردیاگیا۔ اس پر معروف صحافی او راینکر پرسن نسیم زہرہ نے وزیراطلاعات فواد چوہدری سے استفسار کیاکہ وہ اس ضمن میں کچھ بتائیں لیکن ان کا موقف تو نہ آسکا تاہم تحریک انصاف نے سب کچھ واضح کردیا۔ تاہم تحریک انصاف نے ٹوئٹرپر مسرت احمد زیب کو جواب دیتے ہوئے لکھاکہ آپ کا تعلق سوات کے ایک معزز گھرانے سے ہے لیکن آپ نے ایک ایسی کرپٹ پارٹی کی حمایت کرکے اپنے خاندان کی عزت برباد کردی جسے سپریم کورٹ نے نااہل قراردیا، اس کے بعد سوات کے لوگوں نے آپ کو بھی مسترد کردیا اور اب جھوٹی خبریں پھیلانے پر آ پ کے خاندان کی مزید بے عزتی ہوگی۔
