نئی دہلی(مانیٹرنگ ڈیسک)بھارت نے پاکستان کے ساتھ سرحد پر اسمارٹ فینس لگانے کا اعلان کر دیا، لیزر اور جدید ٹیکنالوجی پر مشتمل اسمارٹ باڑ لگانے کے کام کا آغاز رواں ہفتے کیا جائے گا،اسمارٹ باڑ کا مقصد دراندازی ،عسکریت پسندوں اور دہشتگردوںپر نظر رکھنا ہے۔ بھارتی میڈیا کے مطابق بھارت نے پاکستان کے ساتھ سرحد پر اسمارٹ فینس لگانے کا اعلان کیا ہے۔ بھارتی بارڈر سیکیورٹی فورسز کے ڈی جی کا کہناہے کہ لیزر اور

جدید ٹیکنالوجی پر مشتمل اسمارٹ باڑ لگانے کے کام کا آغاز رواں ہفتے کیا جائے گا۔نئی دہلی میں پریس کانفرنس کے دوران ڈائریکٹر جنرل بی ایس ایف کا کہنا تھا کہ پاکستان اور بنگلادیش کے ساتھ 24 سو کلومیٹر طویل اسمارٹ باڑ لگانے کا افتتاح بھارت کے وزیر داخلہ راج ناتھ سنگھ رواں ہفتے کریں گے۔کے کے شرما نے کہا کہ بنگلادیش دوست ملک ہے اور اسمارٹ فینس سب سے پہلے پاکستان کی سرحد کے ساتھ لگائی جائیگی۔بھارتی سرحدی فورس کے ڈائریکٹر جنرل کا کہنا تھا کہ لیزر اور جدید ٹیکنالوجی پر مشتمل اسمارٹ باڑ لگانے کا مقصد سرحد پر دراندازی روکنا اور عسکریت پسندوں اور دہشتگردوں کی سرگرمی پر نظر رکھنا ہے۔