ملتان (مانیٹرنگ ڈیسک)مسلم لیگ (ن) کی اہم شخصیات کے پاکستان تحریک انصاف میں شامل ہونے کا سلسلہ جاری ہے ۔ جنوبی پنجا ب کے مرکزی شہر ملتان سے مسلم لیگ (ن)کو دو اہم رہنمائوں کے تحریک انصاف میں شامل ہونے کی صورت میں بھاری نقصان اٹھانا پڑ گیا ہے ۔ ملتان سے راجن بخش اور تجمل حسین نے پاکستان تحریک انصاف میں شامل ہونےکا فیصلہ کر لیا ۔ تحریک انصاف کے وائس چئیرمین شاہ محمود قریشی نے پریس کانفرنس
کرتے ہوئے دونوں رہنمائوں کی پارٹی میں شمولیت کا خیر مقدم کیا ۔ انھوںنے کہا کہ تحریک انصاف کو مذہبی شخصیات کی بھی حمایت حاصل ہے جبکہ مسلم لیگ (ن) کے اپنے رہنما بھی آزاد الیکشن لڑنے کو ترجیح دے رہے ہیں ۔ انھوںنے کہا کہ نوازشریف نے بغیر کسی ثبوت کے ملک کے ایک ادارےکے خلاف الزام تراشی کی ۔
