صوابی (مانیٹرنگ ڈیسک) الیکشن نزدیک آتے ہی سیاسی جماعتوں کے کارکنوں کے درمیان نوک جھوک اور لڑائی جھگڑوں کے واقعات کاسلسلہ شروع ہو گیا ہے ۔ گزشتہ روز پیش آئے ایک افسوسناک واقعے کے نتیجے میں جانی نقصان کی اطلاعات موصول ہوئی ہیں۔ تفصیلات کے مطابق ترکئی میں پی ٹی آئی کے ورکرز کنونشن کےدوران پی ٹی آئی کارکنوں نے اے این پی کے کارکن کے گھر کی دیوار پر ساؤنڈ سسٹم لگا دیا ،جس پر پی ٹی آئی اور اے این پی کے کارکنوں کے مابین تلخ کلامی ہوئی ،جمعہ کی
صبح دونوں پارٹیوں کے کارکنوں نے ایک دوسرے پر فائرنگ کردی ،جس کے نتیجے میں ایک راہ گیر شیر محمد جاں بحق جبکہ اے این پی کا ایک کارکن نواب علی زخمی ہوگئے ، کالوخان پولیس نے ایف آئی آر درج کرکے تفتیش شروع کردی ہے ۔زخمیوں میں سے کئی کی حالت تشویشناک ہے ۔