اسلام آباد (مانیٹرنگ ڈیسک) چئیرمین پاکستان تحریک انصاف عمران خان نے ٹی وی پروگرام کے دوران اپنی ایک جھڑپ کا ذکر کیا تھا جس کی ویڈیو سوشل میڈیا پر وائرل ہو رہی ہے۔ ویڈیو میں عمران خان کو ایک تقریب سے خطا ب کرتے ہوئے دیکھا جا سکتا ہے

جس میں وہ شرکا کو بتا رہے ہیں کہ قومی اسمبلی میں اگر کسی رکن پر یہ الزام عائد کیا جا ئے تو تم نے چوری کی ہے تو جواب میں وہ یہ نہیں کہے گا کہ ہاں ایسا ہے یا ایسا نہیں ہے بلکہ وہ الٹاالزام لگانے والے کو کہہ دے گا کہ تم نے بھی تو اتنی چوری کی ہے۔ اس کے بعد عمران خان نے ایک ٹی وی شو میں اپنی ایم کیو ایم رہنما بابرغوری سے ہونے والی ایک جھڑپ کا ذکر کرتے ہوئے کہا کہ بابر غوری نے مجھے ٹی وی پر بلیک میل کرنے کی کوشش کی۔ عمران خان نے کہا کہ میں الطاف حسین پر بات کر رہا تھاتو کہنے لگا کہ آپ کہاں اور الطاف حسین کہاں تو میں نے کہا کہ تم ٹھیک کہہ رہے ہو، میں نے تو آج تک کوئی قتل نہیں کیا لیکن اس نے 234 قتل کیے ہوئے ہیں۔ اب بابرغوری کو سمجھ نہ آئے کہ کیا کہنا ہے تو اس موقع پر انہوں نے سیتا وائٹ اور ٹیرین وائٹ کا ذکر شروع کر دیا اور کہا کہ آپ پر تو یہ کیس ہے اور ساتھ ہی ٹیرین وائٹ کی تصویر دکھاتے ہوئے کہا کہ اس کی شکل بھی آپ سے ملتی ہے۔ عمران خان نے کہا کہ اب وہ ٹی وی پر بیٹھا تھا میں اس کا کیا جواب دیتا، میں نے کہا کہ بابر غوری اگر میں افریقہ چلا جاؤں تو سو بچے تمہاری شکل کے دکھا دوں