لاہور : چیئرمین تحریک انصاف عمران خان آج رات ساڑھے 9 بجے خطاب کریں گے۔ نجی ٹی وی دنیا نیوز کے مطابق عمران خان اپنے خطاب میں موجودہ ملکی صورت حال پر گفتگو کریں گے اور سیاسی حکمت عملی پر موقف بیان کریں گے۔ قبل ازیں وزیراعظم شہباز شریف نے قومی اسمبلی میں خطاب کے دوران عمران خان کو کڑی تنقید کا نشانہ بنایا، ان کا کہنا تھا کہ بس بہت ہو چکا، لاڈلے کو ملک سے کھلواڑ کی اجازت نہیں دیں گے، اب قانون اپنا راستہ خود بنائے گا۔ عمران خان نے لابنگ فرمز ہائر کی ہیں،

اب ہمارے خلاف بیانات چلوائے جا رہے ہیں۔ اس سے پہلے فوج کے خلاف بیان بازی کی گئی۔ اس نےقوم کو تقسیم در تقسیم کر دیا۔ عمران خان کے خلاف پارٹی رہنما فواد چوہدری کےدعوے کے مطابق درج مقدمات کی تعداد 143 تک پہنچ گئی ہے۔ عمران خان اپنے خطاب میں ساری صورتحال لوگوں کے سامنے رکھیں گے۔