Thursday March 28, 2024

بشریٰ بی بی خاتون خانہ ہیں، کوئی مریم نواز تو نہیں جو بناؤ سنگھار کرے، عمران خان

لاہور : چیئرمین پی ٹی آئی عمران خان نے کہا ہے کہ بشریٰ بی بی خاتون خانہ ہیں، کوئی مریم نواز تو نہیں جو بناؤ سنگھار کرے۔مریم نواز کی سرجری پر لاکھوں روپے خرچ ہوتے ہیں۔ انہوں نے میڈیا سے گفتگو کرتے ہوئے کہا کہ بشریٰ بی بی گھر سے باہر صرف لنگر خانوں میں جاتی تھیں۔ ہم آڈیو لیکس سے اپنی نوجوان نسل کو کیا پیغام دے رہے ہیں۔ خیال رہے کہ گزشتہ دنوں عمران خان کی اہلیہ بشریٰ بی بی اور ذلفی بخاری کی آڈیو سامنے آئی تھی جس میں وہ گھڑیوں کی فروخت سے متعلق کہہ رہی ہیں۔ اس کے علاوہ بھی بشریٰ بی بی کی مبینہ آڈیوز سامنے آئی ہیں۔ بشریٰ بی بی مبینہ آڈیو میں توشہ خانہ کی چیزوں کی تصاویر کھینچنے پر برس رہی ہیں۔ بشریٰ بی بی: ہیلو! ۔

۔۔۔ انعام خان: السلام علیکم! بشریٰ بی بی: وعلیکم السلام! یہ جو توشہ خانہ سے چیزیں آئی تھیں۔

آپ نے اسفر کو کہا تھا کہ ان کی تصویریں کھینچ کر بھیجو؟ انعام: نہیں میں نے تو نہیں کہا تھا۔ بشریٰ بی بی: تو کیوں کھینچی تھیں تصویریں؟ گھر کے اندر جو چیز آئے اس کی تصویر تو نہیں کھینچتے۔ گھر سے باہر سے جو آئے ان کی تصویر کھینچنی چاہیے؟ انعام: مجھے نہیں معلوم۔ بشریٰ بی بی: انعام نے کہا ہے اور اس نے بھیج دی ہیں۔ بشریٰ بی بی : آپ ہولڈ کریں ! ۔ بشریٰ بی بی اس دوران کسی دوسرے شخص سے سوال کرتی ہیں۔ بشریٰ بی بی: آپ نے انعام کو بھیجی ہیں تصویریں؟ وہ کہہ رہا ہے مجھے نہیں بھیجیں۔ انعام: بھیجیں ہیں لیکن میں نے کہا نہیں۔ بنی گالہ کے سابق نگراں انعام خان نے آڈیو میں اپنی آواز کی تصدیق کردی بشریٰ بی بی : کسی دوسرے بندے سے، کس نے کہا تھا تصویریں کھینچنے کو؟ بشریٰ بی بی: کس نے؟ کیوں؟ گھر کے اندر والی کسی چیز کی تصویر نہیں کھینچتے کیونکہ وہ میرے پاس آرہی تھی۔

گھر سے جو باہر جاتی ہیں ان کی کھینچنی چاہیے۔ بشریٰ بی بی: گھر کے اندر آنے والی چیز کی کون تصویر کھینچتا ہے؟ بشریٰ بی بی: کس چیز کا ثبوت؟ آپ کو کیا ضرورت ہے ثبوت دینے کی؟ بشریٰ بی بی کا کسی دوسرے فرد سے مکالمہ: آپ نے مجھ سے پوچھا ہے؟ بشریٰ بی بی: سوری کا کیا مطلب؟ تماشا بنایا ہوا ہےگھر کو؟ بشریٰ بی بی: ایم ایس ہم پر اعتماد کرکے بھیج رہا ہے، آپ کون ہوتے ہیں تصویریں کھینچنے والے؟ بشریٰ بی بی انعام سے مخاطب ہوتے ہوئے: اور تمہیں کیوں بھیجی ہیں اس نے تصویریں؟ انعام: بی بی مجھے تصویریں آئی ہیں کہ ہم اندر دے رہے ہیں۔
انعام: بس آپ بی بی کو دے دیں، وہ جانیں۔ بشریٰ بی بی: کیا کرنا ہے تصویروں کا؟ انعام: ہم لوگوں نے کیا کرنا ہے تصویروں کا؟ بشریٰ بی بی: آج کے بعد تم گھر کے اندر نہیں آؤ گے، سمجھ آئی۔ انعام: ٹھیک ہے۔ بشریٰ بی بی: تصویریں لے کر وہیں رہو جہاں تم بیٹھے ہو۔

FOLLOW US