اسلام آباد: الیکشن کمیشن آف پاکستان نے مصطفیٰ نواز کھوکھر کے استعفیٰ کے بعد خالی ہونے والی سینیٹ کی نشست پر انتخاب کا اعلان کردیا۔ ترجمان الیکشن کمیشن کے مطابق مصطفیٰ نواز کھوکھر کی خالی نشست پر پولنگ 8 دسمبر کو سندھ اسمبلی میں ہوگی۔ امیدوار 18 سے 22 دسمبر کے دوران اپنے کاغذات نامزدگی جمع کراسکیں گے جب کہ 25 نومبر کو کاغذات کی سکروٹنی کی جائے گی۔ کاغذات کے خلاف اپیلیں 28 نومبر تک دائر کی جاسکیں گی۔ امیدوار 3 دسمبر تک الیکشن سے دستبرداری کا اعلان کرسکیں گے۔
خیال رہے کہ گزشتہ دنوں اعظم سواتی کی حمایت کرنے پر مصطفیٰ نواز کھوکھر سے پیپلز پارٹی کی قیادت نے استعفیٰ طلب کیا تھا۔ انہوں نے اس بارے میں سوشل میڈیا پر اعلان کیا اور اگلے ہی دن چیئرمین سینیٹ کو اپنی نشست سے استعفیٰ دے دیا تھا۔ انہیں پیپلز پارٹی کی جانب سے سندھ کی جنرل نشست پر سینیٹر منتخب کروایا گیا تھا۔
سندھ سے سینیٹ کی خالی نشست پر الیکشن کمیشن نے الیکشن شیڈول جاری کر دیا۔پولنگ 8 دسمبر 2022 کو ہوگی۔@ECP_Pakistan pic.twitter.com/xROMZsxXkg
— Spokesperson ECP (@SpokespersonECP) November 16, 2022
