اسلام آباد : پاکستان تحریک انصاف (پی ٹی آئی) کے مظاہرین نے اسلام آباد میں احتجاج کے دوران ایک غریب نوجوان کی موٹرسائیکل نذرِ آتش کردی۔ متاثرہ نوجوان کی ویڈیو سوشل میڈیا پر تیزی سے وائرل ہورہی ہے جس میں وہ روتے ہوئے بتاتا ہے کہ پی ٹی آئی کے 50 سے 60 مظاہرین نے اس کی موٹر سائیکل کو آگ لگادی۔ وہ موٹرسائیکل چلا کر گھر کا خرچہ چلاتا ہے۔ صحافی قمر منور کے مطابق واقعہ آئی جے پی روڈ پر پیش آیا۔ متاثرہ نوجوان کی شناخت اشتیاق کے نام سے ہوئی ہے جس کے والد فوت ہوچکے ہیں۔ وہ آٹھ بہن بھائی ہیں جن میں سے دو بھائی بائیکیا کمپنی کیلئے موٹر سائیکل چلا کر گھر کا خرچہ چلاتے ہیں۔ نوجوان نویں جماعت کا طالب علم ہے اور اپنی پڑھائی کا خرچہ بھی اسی بائیک سے پورا کرتا ہے۔
آئی جے پی روڈ پر تحریک انصاف نوجوان کی بائک جلا دی
والد کی وفات کے بعد بائیک چلا کر گھر کا گزارہ چلا رہا۔ متاثرہ بائیکیا رائیڈر اشتیاق
آٹھ بہن بھائیوں کو میں اور 1 بھائی بائیکیا چلا کر گزر بسر کر رہے تھے
نویں جماعت کا طالبعلم ہوں، تعلیم کا خرچ بھی بائیکیا سے ہی کرتا متاثرہ شہری pic.twitter.com/UWV9Ky2VsM— Qamar Munawar (@Qamarulmunawar1) November 4, 2022
