اسلام آباد:وزیراعظم عمران خان نے بغیر پروٹوکول گاڑی خود ڈرائیور کرتے ہوئے اسلام آباد کے مختلف علاقوں کا دورہ کیا۔ تفصیلات کے مطابق وزیراعظم نے بغیر پروٹوکول اسلام آباد کے علاقے جی 10 میں ریڑھی بان مارکیٹ کا دورہ کیا ہے۔ وزیراعظم سینیٹر فیصل جاوید کے ہمراہ خود گاڑی ڈرائیو کر کے ریڑھی بان مارکیٹ پہنچے۔ وزیراعظم کے دورے کے متعلق سماجی رابطے کی ویب سائٹ ٹویٹر پر ٹویٹ کرتے ہوئے سینیٹرفیصل جاوید نے کہا کہ لیڈر وہ ہوتا ہے جس کوعوام کا احساس ہو۔عمران خان نے احساس ریڑی بان پروجیکٹ، رمضان سستا بازار اور دیگر پروجیکٹ کا جائزہ لیا اورعوام سے گفتگو کرتے ہوئے ان کے تاثرات بھی سنے، ان کے ہمراہ چیئرمین سی ڈی اے عامر احمد علی بھی موجود تھے۔وزیراعظم نے رمضان المبارک میں بھی بغیر پروٹوکول کے اسلام آباد کے مختلف علاقوں کا دورہ کیا تھا۔
وزیر اعظم عمران خان کا اسلام آباد کے مختلف علاقوں کا دورہ -وزیر اعظم نے خود گاڑی چلالی – جی ٹین مرکز میں احساس ریڑھی بان مارکیٹ کا بھی دوره – لیڈر وہ جسکو احساس ہو – pic.twitter.com/NjZq74Kmqf
— Senator Faisal Javed Khan (@FaisalJavedKhan) June 21, 2021
