جہانگیر ترین کیلئے نئی مشکل، حکومت کا شوگر اسکینڈل کی تحقیقات نیب کو دینے پر غور

   
   

لاہور : پاکستان تحریک انصاف کے ناراض رہنماء جہانگیر ترین کیلئے ایک اور مشکل کھڑی ہوگئی ، حکومت نے شوگر اسکینڈل کی تحقیقات کے معاملے پر جہانگیر ترین کے خلاف کیس نیب کو دینے پر غور شروع کردیا ، نیب آرڈیننس کے تحت قومی احتساب بیورو کسی بھی ادارے سے کیس خود تحقیقات کے لیے لے سکتا ہے ، اس حوالے سے بجٹ منظوری کے بعد فیصلہ کیے جانے کا امکان ہے۔ میڈیا ذرائع کے مطابق وفاقی حکومت نے ایف آئی اے کی تفتیش پر عدم اطمینان کا اظہار کیا ہے جس کے بعد جہانگیر ترین کے خلاف کیس نیب کو دینے پر غور کیا جارہا ہے کیوں کہ ایف آئی اے لاہور آفس کے دورہ میں شہزاد اکبر کو ترین کے خلاف کیس پر تفصیلی رپورٹ دی گئی تھی ،

جس سے معلوم ہوا کہ ایف آئی اے ابھی تک جہانگیر ترین کے خلاف چالان بھی عدالت میں پیش نہیں کرسکا ، اسی وجہ سے وزیراعظم عمران خان کے مشیر برائے داخلہ و احتساب شہزاد اکبر بھی ایف آئی اے کی اب تک کی تفتیش سے مطمئن نہیں ہیں ، جب کہ علی ظفر کی ابتدائی رپورٹ میں بھی ایف آئی اے کی تفتیش میں جہانگیر ترین کے خلاف ٹھوس شواہد نہ ہونے کی بات کی گئی ہے۔
دوسری طرف چینی اسکینڈل کے معاملے پر لاہور ہائی کورٹ سے پی ٹی آئی رہنماء جہانگیر ترین کو بڑا ریلیف مل گیا ، عدالت نے ایف بی آر کو جہانگیر ترین کی شوگر ملز کا آڈٹ کرنے سے روک دیا ، لاہور ہائیکورٹ میں جہانگیر ترین کی شوگر ملز جے ڈی ڈبلیو کا آڈٹ کرنے کے خلاف درخواست پر سماعت ہوئی ، جہاں عدالت نے حکم امتناع جاری کرتے ہوئے نوٹس پر عمل درآمد روک دیا اور لاہور ہائی کورٹ کی جانب سے فیڈرل بورڈ آف ریونیو کو جہانگیر ترین کی شوگر ملز جے ڈی ڈبلیو کا آڈٹ کرنے سے روکنے کا حکم دیا گیا ہے ، اس معاملے پر ایف بی آر کو نوٹس جاری کرتے ہوئے جواب بھی طلب کر لیا۔ بتایا گیا ہے کہ جے ڈی ڈبلیو کی طرف سے دائر کی گئی درخواست میں ایف بی آر سمیت دیگر کو فریق بنایا گیا ، پی ٹی آئی رہنماء نے موقف اختیار کیا کہ ایف بی آر نے 21 مئی کو آڈٹ کرنے کا نوٹس بھجوایا اور انکم ٹیکس سے متعلق دستاویزات اور ریکارڈ بھی مانگا تاہم ایف بی آر کو 5 برس گزرنے کے بعد آڈٹ کرنے کا اختیار نہیں ہے ، کیوں کہ 2015ء کا ٹیکس آڈٹ کرنے کا قانونی عرصہ گزر چکا ہے ، لہذا آڈٹ نوٹس غیر قانونی طور پر بھیجا گیا جسے کالعدم قرار دیا جائے اور ایف بی آر کو تادیبی کارروائی سے روکا جائے۔



اس وقت سب سے زیادہ مقبول خبریں


تازہ ترین خبریں
خفیہ اداروں نے وزیراعظم عمران خان کو اپنی نقل و حرکت محدود کرنے کی ہدایت کر دی، وزیراعظم عمران خان کی جان کو خطرہ لاحق ہے
جوہر ٹاؤن دھماکا کار میں نصب دھماکا کنٹرول ڈیوائس سے کیا گیا،ابتدائی رپورٹ تیار
وزیراعظم عمرا ن خان کا آئی ایس آئی ہیڈکوارٹر کا دورہ، سیکیورٹی صورتحال پر بریفنگ
لاہور کے علاقے جوہر ٹاؤن میں زور دار دھماکہ 14 افراد زخمی،متعدد گاڑیاں و موٹرسائیکلیں تباہ
وفاقی حکومت کی سرکاری اثاثے گروی رکھ کر بھاری قرض لینے کی منظوری سرکاری اثاثے گروی رکھ کر آئندہ مالی سال میں 1800ارب کا قرض لیا جائے گا
مقبوضہ کشمیر کی خصوصی حیثیت کی بحالی کی خبریں، اہم پیش رفت سامنے آگئی

سپورٹس
نیوزی لینڈ نے ورلڈ ٹیسٹ چیمپئین شپ جیت لی
بھارتی فین جشن منارہے تھے مگر ایسا کیا ہوا کہ اگلے ہی لمحے سر پکڑنا پڑ گیا؟ دلچسپ ویڈیو آپ بھی دیکھیں
اسلام آباد یونائیٹڈ کا سفر تمام، پشاور زلمی پی ایس ایل 6 کے فائنل میں پہنچ گئی
فٹ بال ورلڈ کپ 2018ءکے دوران وائرل ہونیوالی یہ لڑکی تو آپ کو یاد ہوگی لیکن یہ دراصل کون نکلی؟ ایک عرصے بعد حقیقت سامنے آگئی
یونس خان نے قومی کرکٹ ٹیم کے بیٹنگ کوچ کے عہدے سے استعفیٰ دیدیا
دفاعی چیمپئن کراچی کنگز پی ایس ایل 6 سے باہر پشاور زلمی کے ہاتھوں شکست۔

Copyright © 2020 DailyQaim. All Rights Reserved | Privacy Policy