اسلام آباد : مسلم لیگ ن کے رہنما شاہد خاقان عباسی نے کہا ہے کہ چوہدری نثار کی جماعت میں کوئی جگہ نظر نہیں آتی ،شہباز شریف ان سے ذاتی حیثیت میں ملے ہو نگے ۔ نجی نیوز چینل کے پروگرام میں گفتگو کرتے ہوئے انہوں نے کہا کہ چوہدری نثار کو جماعت سے کسی نے نہیں نکالا ،وہ خود چھوڑ کر گئے اور جب آپ خود چھوڑ کر جاتے ہو تو پھر جماعت بھی آپ کو چھوڑ دیتی ہے ۔میزبان کاشف عباسی نے پوچھا کہ کیا اب چوہدری نثار کی واپسی کا کوئی راستہ نہیں تو انہوں نے کہا کہ وہ جماعت میں آ کر واپسی کا راستہ ڈھونڈیں ،جماعت انہیں ڈھونڈنے نہیں جائے گی ۔شاہد خاقان عباسی کا کہنا تھا کہ انہوں نے جماعت میں واپس آنا ہے یا نہیں یہ ان کا فیصلہ ہے
لیکن کیا جماعت انہیں لے گی میرے لیے یہ بڑا سوال ہے ۔ان کا کہنا تھا کہ میر ا خیال سے جماعت چوہدری نثار کی واپسی قبول نہیں کرے گی ،میں معذرت سے کہہ رہا ہوں اور یہ حقیقت ہے ،مجھے چوہدری نثار کی جماعت میں جگہ نہیں آتی۔شاہد خاقان عباسی نے مزید کہا ہم سب ان کے عشروں کے دوست ہیں جب وہ ہم سے رابطہ نہیں رکھ سکے ،میاں صاحب سے رابطہ نہیں رکھ سکے تو اب یہ مشکل ہو گا ۔
