کراچی: کراچی میں ڈی جی رینجرز سندھ افتخار حسین نے شہر کے مختلف علاقوں کا دورہ کیا۔ اچانک دورے کے دوران ڈی جی رینجرز سندھ عام شہریوں میں گھل مل گئے، ہوٹل پر چائے پی اور مسائل سنے۔ رات گئے ڈی جی رینجرز سندھ افتخار حسین اچانک شہر قائد کے دورے پر نکل پڑے۔ ڈی جی رینجرز سندھ افتخار حسین نے نارتھ ناظم آباد اور اورنگی ٹاؤن کے علاقوں میں دورے کے دوران شہریوں سے ملاقات کی۔ ڈی جی رینجرز سندھ لوگوں میں گھل مل گئے اور شہریوں سے ان کے مسائل بھی سنے۔
دورے کے دوران مقامی ہوٹلوں میں لوگوں کے ساتھ بیٹھ کر چائے پی۔ دورے کے دوران شہریوں کی بڑی تعداد ڈی جی رینجرز کے گرد جمع ہو گئی۔ ڈی جی رینجرز سندھ نے گزشتہ روز رینجرز کی موبا ل پر آئی ای ڈی حملہ ہونے والی جگہ کا بھی دورہ کیا۔
