اسلام آباد: چیف جسٹس آف پاکستان جسٹس گلزار احمد کی گاڑی کو حادثہ پیش آگیا۔ تفصیلات کے مطابق چیف جسٹس آف پاکستان جسٹس گلزار احمد سپریم کورٹ کے جج جسٹس یحییٰ آفریدی کے والد کے جنازے میں شرکت کے لیے صوبہ خیبرپختونخوا کے شہر کوہاٹ جارہے تھے کہ راستے میں رشکئی کے قریب ان کی گاڑی کو حادثہ پیش آگیا تاہم اس حادثے میں چیف جسٹس گلزار احمد محفوظ رہے جس کے بعد اطلاعات موصول ہوئیں کہ چیف جسٹس خیریت سے اسلام آباد پہنچ گئے۔