اسلام آباد (مانیٹرنگ ڈیسک) وزیر اعظم عمران خان کےمعاون خصوصی ندیم افضل چن کہتے ہیں کہ گندم بحران پر ماضی کی کوتاہیاں دو سال میں دور نہیں ہو سکتیں ۔ نجی ٹی وی چینل جیو نیوز کے پروگرا م کیپیٹل ٹاک سے گفتگو کرتے ہوئے ندیم افضل چن کا کہناتھا کہ گند م بحران پر ہم کچھ نہیں کرسکتے کیونکہ ہم کمزور ہیں۔ دوسری جانب سندھ کے صوبائی وزیر سعید غنی کا کہنا تھا کہ سندھ اپنی ضرورت سے کم جبکہ پنجاب ضرور ت سے زائد گندم پیدا کرتا ہے۔ ہم نے بھی گندم کے بحران دیکھے ہیں لیکن ان پر قابو بھی پایا ہے۔ جبکہ پنجاب کی گند م خیبر پختونخوا کے راستے افغانستان چلی گئی ہے۔
چینی کا بحران ہو یا گندم کا ، یہ لوگ کہتے ہیں کہ یہ بحران سندھ نے پیدا کیا ہے۔ مسلم لیگ (ن) کے رہنما ڈاکٹر مصدق ملک کا کہنا تھا کہ چلو چینی اور آٹے کو تو چھوڑو ، دوائیاں کیوں مہنگی ہوئی ہیں ،کیا وہ بھی برآمد ہوئی ہیں۔
