اسلام آباد ۔ (ویب ڈیسک) اسلام آباد سمیت ملک کے بالائی علاقوں میں مطلع جزوی طور پر ابر آلود رہنے کے علاوہ گرج چمک کے ساتھ بارش جبکہ بعض مقامات پر موسلادھار بارش کا بھی امکان ہے، اس کے سندھ اور بلوچستان میں مزید بارش کی پیشگوئی بھی کی گئی ہے۔ محکمہ موسمیات کے مطابق (آج) بدھ کو اسلام آباد، پنجاب، خیبر پختونخوا اور کشمیر کے بیشتر اضلاع میں آندھی اور گرج چمک کے ساتھ بارش کا امکان ہے جبکہ اس دوران بالائی پنجاب،بالائی خیبر پختونخوااور کشمیر میں موسلادھار بارش کا بھی ہو سکتی ہے۔

سندھ اور مشرقی بلوچستان میں گرج چمک کے ساتھ مزید بارش کی توقع ہے۔ گذشتہ 24 گھنٹوں کے دوران ملک کے زیادہ تر علاقوں میں موسم گرم اور مرطوب رہا جبکہ سندھ، کشمیر، پنجاب، خیبر پختونخوا اور مشرقی بلوچستان میں بارش ہوئی۔ سب سے زیادہ بارش سندھ میں حیدر آباد (سٹی139، ایئر پورٹ 128)، ٹھٹہ 134 ،میر پور خاص116، مٹھی 113، کراچی (گلشن حدید163، فیصل بیس 38، لانڈھی95، اولڈ ایئر پورٹ 89، صدر88، یونیورسٹی روڈ 86، سعدی ٹاون 81 ، ناظم ا?باد 78 ، جناح ٹرمینل 76، مسرور بیس 69، نارتھ کراچی 54، سرجانی 46، کیماڑی 22)، ٹنڈو جام 104، چھور100، بدین 96، ، دادو 93 ، پڈ عیدن ، شہید بینظیر آباد 47 ، لاڑکانہ، 01، اسلام آباد ( زیرو پوائنٹ 99،سیدپور45 ، بوکرا02 ، )، پنجاب میں راولپنڈی ( شمس آباد 87 ، چکالہ 34)،سیالکوٹ (سٹی18،ایئر پورٹ 04)، رحیم یا ر خان 10 ، مری08، ملتان 02 ، نارووال01،خیبر پختونخوا میں بالاکوٹ 11 ، مالم جبہ ، چراٹ 05 ، کاکول 04 ، بلوچستان میں پنجگور13 ، خضدار 08 ، سبی 07 اورمارا04، کوئٹہ 02اور کشمیر میں کوٹلی میں01 ملی میٹر بارش ریکارڈ کی گئی۔ اس دوران ملک میں زیادہ سے زیادہ درجہ حرارت: نوکنڈی43، دالبندین، سبی ، بونجی اور ڈی آئی خان میں 41ڈگری سینٹی گریڈ ریکارڈ کیا گیا۔