اسلام آباد(مانیٹرنگ ڈیسک) امریکی قید میں موجود ڈاکٹر عافیہ صدیقی کے ساتھ بند پانچ خواتین مریض کروناوائرس کے باعث ہلاک ہوگئی ہیں۔ ڈاکٹر عافیہ صدیقی امریکہ کی ریاست ٹیکساس کی جیل میں بندہیں۔ جہاں پر ان کے ہمراہ قید پانچ خواتین قیدی کرونا کے موذی مرض میں مبتلاہو کر ہلاک ہو چکی ہیں۔پاکستانی قونصل جنرل کا کہنا ہے کہ جیل حکام سے ڈاکٹر عافیہ کے کورونا ٹیسٹ کی رپورٹ مانگی ہے۔معاملے کی سنگینی کو سمجھتے ہوئے سماجی تنظیموں نے بھی تشویش کا اظہار کیا ہے۔اور قیدیوں کو دوسری جیل میں منتقل کرنے کا مطالبہ کیا ہے۔فیڈرل میڈیکل سینٹر کار سویل میں اب تک کورونا کے 510مثبت کیسز سامنے آ چکے ہیں۔جب کہ یہاں پر کل 1300 قیدی موجود ہیں۔پاکستانی قونصل جنرل ہیوسٹن ابرار ہاشمی کے مطابق معاملے سے متعلق جیل حکام کو 3 خطوط لکھے گئے ہیں۔