کوئٹہ (ویب ڈیسک) نیشنل پارٹی کے مرکزی رہنماء سینیٹر میرحاصل بزنجو انتقال کرگئے، میر حاصل بزنجو گزشتہ کچھ مہینوں سے پھیپھڑوں کے سرطان میں مبتلا تھے، میر حاصل بزنجو کی عمر 62 سال تھی۔ ترجمان نیشنل پارٹی کے مطابق پارٹی کے سینئر مرکزی رہنماء سینیٹر میر حاصل بزنجو طویل علالت کے باعث انتقال کرگئے ہیں۔ بتایا گیا ہے کہ میر حاصل بزنجوکی عمر 62 سال تھی، لیکن گزشتہ کچھ مہینوں سے پھیپھڑوں کے سرطان میں مبتلا تھے۔ جس کے باعث وہ آج اللہ کو پیارے ہوگئے ہیں۔ خاندانی ذرائع کا کہنا ہے کہ میر حاصل بزنجو کی تدفین آبائی علاقے خضدارمیں کی جائے گی۔

واضح رہے مرحوم سینیٹر میر حاصل بزنجو بلوچستان کی قد آور سیاسی شخصیت ہیں، ان کے والد کا نام غوث بخش بزنجو ہے، میر حاصل بزنجو3 فروری 1953ء میں پیداہوئے۔ سینیٹر میرحاصل بزنجو نے 1990ء میں عام انتخابات میں قومی اسمبلی کی نشست پرکامیابی حاصل کرکے عملی سیاست میں قدم رکھا۔ پھر 1997ء میں دوبارہ عام انتخابات میں الیکشن جیت کر دوسری بار قومی اسمبلی کے رکن منتخب ہوئے۔ وہ وفاقی وزیر کے عہدے پر بھی فائز رہ چکے ہیں۔ سینیٹر میرحاصل بزنجو جمہوریت پسند اور اصولی سیاست کرنے والے لیڈر تھے، حکمران اور اپوزیشن کی جماعتوں میں ان کو ہمیشہ قدر کی نگاہ سے دیکھا جاتا تھا۔