کوئٹہ (ویب ڈیسک) حکومت بلوچستان کا انقلابی اقدام اٹھاتے ہوئے قرض حسنہ کی اسکیم متعارف کرا دی ہے۔ تفصیلات کے مطابق وزیر اعلیٰ بلوچستان جام کمال کی جانب سے قرض حسنہ اسکیم متعارف کرادی گئی ہے ۔ قرض حسنہ کی اسکیم کے تحت کورونا لاک ڈاؤن سے متاثرہ گھرانوں کو بلا سود قرضہ دینے کا فوری آغاز کردیا گیا ہے جبکہ قرض حسنہ کا مقصد کورونا سے متاثرہ گھرانوں کو باعزت طریقے سے مالی امداد کی فراہمی ہے۔ اسکیم سے خاندانوں کے لیےخوراک، ادویات، یوٹیلیٹی بلز اور دیگر گھریلو اخراجات پورے ہوسکیں گے جبکہ قرض کی رقم 10 سے 20 ہزار روپے رکھی گئی ہے جبکہ واپسی کی معیاد 3سال مقرر کی گئی ہے ۔

اسکیم کے تحت واپسی کی ماہانہ قسط500 سے 1000تک مختص کی گئی ہے جبکہ واپسی قسط کا آغازلاک ڈاؤن ختم ہونےکے بعد شروع ہو گا۔ درخواست گزار کی عمر 18 سے 62 سال کے درمیان ہونی چاہیے جبکہ مستحقین کو ایمرجنسی قرض حسنہ سے استفادہ ہونے کے لیے درخواست دینے کی ہدایت کردی گئی ہے۔ قرض حسنہ کیا ہے؟ قرض حسنہ کا مطلب یہ ہے کہ قرض دہندہ، قرض سے زائد کا مطالبہ نہ کرے اورادائیگی کا جو وقت آپسی رضامندی سے طے ہوا ہے اس سے پہلے تقاضا نہ کرے، اور وقت مقررہ گزرجانے کے بعد تاخیر کی وجہ سے کسی زیادتی کا مطالبہ نہ کرے۔ اور اعلیٰ بات یہ ہے کہ قرض دے کر بعد میں معاف کردے۔ کوئی مسلمان اپنا مال سو دپر نہ دے کہ اس کے مال (کی برکت) کو ختم کردے اور مقروض کی نیند حرام کر دے، بلکہ اسلام نے توقرض حسنہ کی ترغیب دی ہے اور ایسے شخص سے، جو قرض حسنہ دے، بہترین اجروثواب کا وعدہ کیا گیا ہے ۔ حکومت بلوچستان کا انقلابی اقدام اٹھاتے ہوئے قرض حسنہ کی اسکیم متعارف کرا دی ہے۔