لاہور: پنجاب میں گرمیوں کی چھٹیوں کا اعلان کردیا گیا ہے جس کے بعد صوبے کے تمام سرکاری و نجی سکول گرمیوں کی چھٹیوں کی وجہ سے 31مئی تک بند رہیں گے۔ وزارتِ تعلیم نے گرمیوں کی چھٹیوں کا نوٹیفکیشن جاری کردیا ہے۔ صوبائی وزیرِ تعلیم مراد راس نے اپنے ٹویٹر پیغام میں کہا ہے کہ ”تمام سرکاری و نجی سکول گرمیوں کی چھٹیوں کی وجہ سے 31مئی تک بند رہیں گے”۔

البتہ پنجا ب کے نجی اسکولوں نے فیسوں میں 50 فیصد کمی کرنے سے انکار کر دیا ہے۔ دوسی جانب وفاقی وزیر تعلیم شفقت محمود نے کہا ہے کہ آن لائن تعلیم وتدریس کیلئے پی ٹی وی سے ایک چینل لے لیا، آن لائن کلاسز کا جلد آغاز کرنے لگے ہیں، یونیورسٹیسز طلباء اورسکولوں کے بچوں کو مضامین پڑھائے جائیں گے، ٹی وی پرسندھی زبان، انگریزی، اردو اور اسلامیات کے مضامین پڑھائے جائیں۔ انہوں نے نجی ٹی وی سے گفتگو کرتے ہوئے بتایا کہ آن لائن تعلیم وتدریس کیلئے پی ٹی وی سے ایک چینل لے لیا،آن لائن کلاسز کا جلد آغاز کرنے لگے ہیں،ی ونیورسٹیسز کی جانب سے بھی آن لائن تعلیم شروع کریں گے۔ مختلف اوقات میں ٹی وی پر بچوں کیلئے مضامین پڑھائے جائیں گے۔ مقصد یہی ہے کہ گھرپر بیٹھے بچوں کو تعلیم دی جائے۔ سندھی طالبعلموں کیلئے سندھی زبان میں کورسزشروع کریں گے۔
کوشش کریں گے کہ ٹی وی پر انگریزی، اردو اور اسلامیات کے مضامین پڑھائے جائیں۔کیونکہ ان مضامین کا سلیبس تقریباً تمام صوبوں کا ایک جیسا ہے۔ انہوں نے کہا کہ ملک بھر میں تعلیمی ادارے بند کرنے کا فیصلہ باہمی مشاورت سے کیا گیا۔ صوبے خودمختار ہیں ، آن لائن تعلیم کیلئے صوبائی وزراء کے ساتھ ملکر کام کررہے ہیں۔آئندہ بھی جو فیصلے کریں گے حکومت کی مشاورت سے کریں گے۔ شفقت محمود نے کہا کہ دنیا کے 190ممالک میں بیماری پھیلی ہوئی ہے ، یہ سارے تفتان سے نہیں گئے۔ حکومت کو کورونا کو کنٹرول کرنے کی پوری کوشش کررہی ہے۔ اللہ پاک کا شکر ہے کہ ابھی پاکستان میں کم کیسز ہیں۔

ANNOUNCEMENT:

All Public & Private schools in Punjab shall remain closed until May 31st, 2020.
The closure will be treated as Summer Vacations. #StayHomeStaySafe pic.twitter.com/XWmTISo1ge

— Murad Raas (@DrMuradPTI) April 1, 2020