لاہور(ویب ڈیسک ) وزیراعلیٰ پنجاب سردار عثمان بزدار نے واٹر میٹرز لگانے کی منظوری دے دی، پروگرام پر 10 ارب 30 کروڑ روپے لاگت آئے گی۔تفصیلات کے مطابق صوبائی دارالحکومت لاہور میں وزیراعلیٰ پنجاب کی زیر صدارت پرائیوٹ پارٹنرشپ پالیس، مانیٹرنگ بورڈ کا اجلاس ہوا جس میں لاہور میں واٹر میٹرز لگانے کی منظوری دے دی، پروگرام پر 10 ارب 30 کروڑ روپے لاگت آئے گی۔اجلاس میں لاہور رنگ روڈ سدرن لوپ تھری کے منصوبے کے ایگریمنٹ پر دستخط کی منظوری دی گئی، معاہدے پر رواں ماہ دستخط ہوں گے، 10 ارب لاگت آئے گی۔وزیراعلیٰ پنجاب کی زیر صدارت اجلاس میں بتایا گیا کہ پنجاب میں 500 بستروں پر مشتمل 10 نئےاسپتال بنائے جائیں گے،
ایشیائی ترقیاتی بینک کے ساتھ مفاہمتی یادداشت پر دستخط کی منظوری دے دی گئی۔سردار عثمان بزدار نے زیرو ویسٹ مٹیریل ریکوری فسیلٹی کی تجویز پرعملدرآمد نہ ہونے پر برہمی کا اظہار کرتے ہوئے کہا کہ فائل کو ادھرادھر گھمانے سے کام نہیں چلے گا، مجھے آئندہ اجلاس میں اس پر پیش رفت چاہیئے۔یاد رہے کہ تین روز قبل وزیراعلیٰ پنجاب سردار عثمان بزدار کا کہنا تھا کہ کسی کو میرٹ کے خلاف کام کرنے دیا ہے اور نہ کرنے دوں گا۔ عثمان بزدار کا کہنا تھا کہ اراکین قومی و صوبائی اسمبلی میرے دست و بازو ہیں، منتخب نمائندوں کی عزت پر حرف نہیں آنے دوں گا۔جبکہ دوسری جانب ایک خبر کے مطابق وزیراعظم عمران خان سے ڈی جی آئی ایس آئی لیفٹیننٹ جنرل فیض حمید نے ون آن ون ملاقات کی جس میں قومی سیکورٹی کے امور پر تبادلہ خیال کیا گیا۔ملاقات میں ادارے کی پیشہ وارانہ امور اور ملکی سلامتی و استحکام کے لیے اٹھائے گئے اقدامات پر بھی بات چیت کی گئی۔گزشتہ سال 19 نومبر کو پی ایم ہاؤس میں وزیراعظم عمران خان سے انٹر سروز انٹیلی جنس کے ڈائریکٹر جنرل فیض حمید نے ملاقات کی تھی جب کہ ڈی جی آئی ایس آئی کی ذمہ داریاں سنبھالنے کے بعد 18 جنون کو لیفٹیننٹ جنرل فیض حمید کی وزیراعظم سے پہلی ملاقات ہوئی تھی۔
اس پہلی ملاقات میں وزیراعظم نے لیفٹیننٹ جنرل فیض حمید کو ڈی جی آئی ایس آئی کا عہدہ سنبھالنےپر مبارکباد پیش کی تھی۔اس سے قبل لیفٹیننٹ جنرل فیض حمید ایڈجوٹینٹ جنرل کی ذمہ داریاں انجام دے رہے تھے۔جن لیفٹیننٹ جنرلز کی تقرری اور تبادلے کیے گئے ان میں لیفٹیننٹ جنرل عامر عباسی، لیفٹیننٹ جنرل معظم اعجاز، لیفٹیننٹ جنرل عاصم منیر، لیفٹیننٹ جنرل ساحر شمشاد مرزا اور لیفٹیننٹ جنرل فیض حمید شامل تھے۔
