چمن میں بم دھماکا،قبائلی رہنماسمیت متعددافرادبارے افسوس ناک خبرآگئی

چمن(ویب ڈیسک)بلوچستان کے شہر چمن میں بم دھماکے میں 3 افراد زخمی ہوگئے ۔ابتدائی اطلاعات کے مطابق دھماکہ چمن کے علاقے بوغرہ روڈ پر سبزی مارکیٹ کے قریب ہوا۔ پولیس کا کہنا ہے کہ زخمیوں میں قبائلی رہنما حاجی باول خان بھی شامل ہیں۔پولیس کے مطابق بم قبائلی رہنما کی دکان کے قریب نصب کیا گیا تھا۔ دھماکے میں 3 افراد کے زخمی

ہونے کی اطلاعات ہیں جنہیں فوری طور پر ہسپتال منتقل کردیا گیا ہے۔واقعے کے بعد سیکیورٹی فورسز نے علاقے کو گھیرے میں لے کر سرچ آپریشن شروع کردیا ہے۔خیال رہے کہ چمن میں گزشتہ ماہ ایک اور بم دھماکہ ہوا تھا جب تاج روڈ پر واقع قدیمی مسجد کو نماز مغرب کے دوران نشانہ بنایا گیا۔دھماکے سے متعدد گاڑیوں کے شیشے ٹوٹ گئے تھے جبکہ قریبی دکانوں میں آگ بھی لگ گئی تھی۔ دھماکے میں 10 افراد زخمی بھی ہوئے تھے۔