” آپ تو ہماری اجازت بغیر پر بھی نہیں مار سکتے” صدر ٹرمپ کی یہ دھمکی کام کر گئی طاقتور ایشیائی ملک گھٹنے ٹیکنے پر مجبور ہو گیا،فیصلہ واپس لے لیا

سئیول(آئی این پی)جنوبی کوریا نے امریکی سخت رد عمل کے بعد شمالی کوریا سے پابندیاں ہٹانے کا فیصلہ واپس لے لیا ہے، امریکی صدر کا کہنا ہے کہ جنوبی کوریا واشنگٹن کی اجازت کے بغیر کچھ نہیں کر سکتا۔ بین الاقوامی میڈیا کے مطابق جنوبی کوریا نے امریکی صدر ڈونلڈ ٹرمپ کے سخت رد عمل کے بعد شمالی کوریا کے خلاف یکطرفہ طور پر کچھ پابندیاں ہٹانے کا فیصلہ واپس لے لیا ہے۔ انڈونیشیا کی وزیر خارجہ کینگ کیونگ واہ نے گزشتہ روز کہا تھا کہ سیل حکومت شمالی کوریا کے خلاف وہ پابندیاں ہٹانے پر غور کر رہی ہے جو 2010 کے حملے کے بعد عائد کی گئی تھیں۔ تاہم امریکی صدر ڈونلڈ ٹرمپ نے اس پر ردعمل دیتے ہوئے کہا کہ سیل واشنگٹن کی اجازت کے بغیر کوئی قدم نہیں اٹھا سکتا۔ آج جمعرات کے روز جنوبی کوریا کے دوبارہ اتحاد کے وزیر چو میونگ گیون کی طرف سے کہا گیا ہے کہ پیونگ یانگ حکومت کے خلاف پابندیاں ہٹانے کا معاملے سنجیدگی سے زیر غور نہیں۔