اسلام آباد(مانیٹرنگ ڈیسک)بادشاہی مسجد ہمارے حوالے کر دیں، اسے بحال کردینگے، جتنا پیسہ لگا گا میں لگائوں گا، س سے بہتر کوئی کام ہو ہی نہیں سکتا، اتنا ثواب ہےکہ ساری عمر کے لیے کافی ہے، ملک ریاض نے حکومت کو بڑی پیش کش کر دی۔ تفصیلات کے مطابق نجی ٹی وی دنیا نیوز کے پروگرام ’’نقطہ نظر ‘‘میں گفتگو کرتے ہوئے چیئرمین بحریہ ٹائون
ملک ریاض نے حکومت کو بادشاہی مسجد کی بحالی کیلئے پیش کردی ہے۔ ملک ریاض کا کہنا تھا کہ بادشاہی مسجد ہمارے حوالے کر دیں اسے بحال کر دیں گے ،یہ اللہ کا گھر ہے جو کرے گا اس کا فائدہ ہو گا ، اس سے بہتر کوئی کام ہو ہی نہیں سکتا،اس کا بہت ثواب ہے، اس میں جتنا پیسہ لگے گا میں لگا دوں گا ،بادشاہی مسجد اگر اصل حالت میں بحال ہو جاتی ہے تو سب کو ثواب ہو گا۔پروگرام میں سینئر صحافی و تجزیہ کار اور چیف ایڈیٹر روزنامہ پاکستان لاہور مجیب الرحمن شامی نے پروگرام کے میزبان اجمل جامی سے گفتگو کرتے ہوئے بادشاہ مسجد کی حالت زار سے متعلق انکشاف کرتے ہوئے بتایا کہ میں نے وزیر اعلیٰ شہبا ز شریف سے کیا ایک بحریہ ٹاؤن مسجد کا انتظام دیکھیں اور دوسری جانب بادشاہ کی بنائی ہوئی اس مسجد کی حالت زار ؟ اس کے بعد کمیٹی بنائی گئی کامران لاشاری اس کے سربراہ مقرر ہوئے ، پھر اوقاف والے آ گئے ، آپس میں ٹکراؤ تھا ، مسجد کی دیوار ،چھتوں میں سوراخ ہیں ، کچرے کے ڈھیر لگے ہیں،کو ئی پرسان حال نہیں ہے ، چیف جسٹس باب پاکستان اور بادشاہی مسجد کی فریاد بھی سن لیں۔واضح رہے کہ چیئرمین بحریہ ٹائون اس سے قبل بھی پاکستان
میں کئی عوامی فلاح کے منصوبوں پر خطیر رقم خرچ کر چکے ہیں اور ان کے عوامی فلاح کے کئی منصوبے تکمیل کے مراحل میں بھی ہیں۔ ملک ریاض مساجد کی تعمیر کے حوالے سے بھی مشہور ہیں اور ملک بھر میں کئی شاندار مساجد تعمیر کرا چکے ہیں۔ اپنے ایک انٹرویو کے دوران بھی ملک ریاض نے اپنے شوق سے متعلق گفتگو کرتے ہوئے بتایا تھا کہ
انہیں مساجد کی تعمیر کے حوالے سے خصوصی شغف ہے ۔ لال مسجد آپریشن کے بعد لال مسجد کی بحالی کے سلسلے میں بھی ملک ریاض سامنے آئے تھے اور لال مسجد کی ازسر نو تعمیر نو اور بحالی کیلئے آپ نے دل کھول کر اخراجات کئے تھے۔ ماضی قریب میں ملک ریاض نے ازبکستان میں امام بخاری سائنٹیفک ریسرچ سینٹرکے قیام کیلئے بھی تاریخی رقم عطیہ کی تھی۔چیئرمین بحریہ ٹاؤن ملک ریاض حسین نے سینٹر کی تعمیر کے لیے ایک لاکھ ڈالر کا امدادی چیک ازبک سفیر کے حوالے کیا تھا۔امام بخاری سائنٹیفک ریسرچ سینٹر ازبکستان کے دارالحکومت ثمر قند میں تعمیر کیا جائے گا،امدادی چیک دینے کی تقریب اسلام آباد میں ازبک سفارتخاتے میں منعقد ہوئی تھی۔ تقریب سے خطاب میں ملک ریاض نے کہا تھا کہ انھوں نے رواں سال کے آغاز میں اپنے دورے کے موقع پر ازبک نائب وزیر اعظم سے ملاقات میں سینٹر کے قیام کے لئے عطیہ دینے کا وعدہ کیا تھا،یہ امداد جدید سائنسی تعلیم ،تحقیق اور علم کے فروغ کے لئے بحریہ ٹاؤن کی کوششوں کامظہر ہے۔ازبک سفیر فرقت صدیقوف نے امدادی چیک دینے پر ملک ریاض کا شکریہ ادا کیا۔
