راولپنڈی : سیکیورٹی فورسزکا شمالی وزیرستان میں دہشت گردوں کے ٹھکانوں پر آپریشن، پاک فوج کے شعبہ اطلاعاتِ عامہ کے مطابق پاک فوج نے شمالی وزیرستان میں دہشت گردوں کے ٹھکانوں پر آپریشن کیا ہے اور آپریشن کے دوران 7دہشت گرد ہلاک ہوگئے ہیں۔ آئی ایس پی آر کے مطابق آپریشن کے دوران دہشتگردوں کی جانب سے جوابی فائرنگ کی گئی اور فائرنگ کے تبادلے میں 2 فوجی جوان شہید ہوگئے ہیں۔ شعبہ اطلاعاتِ عامہ کے مطابق فائرنگ کے تبادلے میں سپاہی مومن شاہ اور محمد ساجد نے جام شہادت نوش کیا ۔ شہید سپاہی مومن شاہ کا تعلق ڈیرہ اسماعیل خان سے تھا جبکہ شہید سپاہی ساجد کا تعلق ایبٹ آباد سے تھا۔
