Friday May 17, 2024

دنیا کا طاقتور ترین پاسپورٹ کس ملک کا ہے؟؟؟ پاکستان کا پاسپورٹ کس نمبر پر ہے؟؟؟ چونکا دینے والی رپورٹ

اسلام آباد(مانیٹرنگ ڈیسک) پاکستان میں امن و امان کی صورتحال، سیاسی بحران، کمزور خارجہ پالیسی اور معاشی استحکام ایسے عوامل ہیں جو کئی اہم بین الاقوامی معاملات پر اثر انداز ہورہے ہیں ۔پاکستانی پاسپورٹ کی کمزور پوزیشن اس کی واضح مثال ہے۔پاکستانی پاسپورٹ دنیا کے کمزور ترین پاسپورٹس کی فہرست میں دو درجے بہتری کے بعد دوسرے

نمبر سے چوتھے نمبر پر آگیا۔دنیا بھر کے پاسپورٹ کی ویزا فری ہونے کے اعتبار سے درجہ بندی کرنے والے عالمی ادارے گلوبل ہینلے پاسپورٹ انڈیکس کے مطابق گزشتہ دو برس سے کمزور ترین پاسپورٹ کی فہرست میں اول نمبر پر موجود افغانستان کے بعد پاکستان کا مستقل دوسرا نمبر تھا تاہم پاکستانی پاسپورٹ کی ساکھ بہتر ہوئی ہے اور پاکستان اس فہرست میں دوسرے کے بجائے چوتھے نمبر پر آگیا ہے یعنی پاکستانی پاسپورٹ کی ساکھ میں دو درجے اضافہ ہوگیا۔رپورٹ کے مطابق کمزور ترین پاسپورٹ کی فہرست میں افغانستان پہلے، عراق دوسرے، شام تیسرے، پاکستان چوتھے اور افریقی ملک صومالیہ پانچویں نمبر پر ہے۔دوسری جانب بہترین پاسپورٹ کی فہرست میں جاپان اور سنگاپور 180 پوائنٹس کے ساتھ پہلے درجے میں، جرمنی 179 پوائنٹس کے ساتھ دوسرے درجے میں اسی طرح ڈنمارک، فن لینڈ، فرانس، اٹلی، سویڈن، اسپین اور ساتھ کوریا تیسرے ، ناروے، برطانیہ، آسٹریلیا، لکسمبرگ، نیدر لینڈ، پرتگال چوتھے اور سوئٹزر لینڈ، آئرلینڈ، یونائیٹڈ اسٹیٹس، کینیڈا پانچویں درجے میں شامل ہیں۔اگر بہترین پاسپورٹ کی فہرست کے اعتبار سے دیکھا جائے تو 24 پوائنٹس کے ساتھ افغانستان سب سے آخری یعنی 105 ویں درجے میں، عراق 104 ویں ، شام 103 ویں اور 30 پوائنٹس کے ساتھ پاکستان 102 ویں درجے پر آگیا ہے جو کہ پہلے 104 ویں درجے پر تھا۔ پڑوسی ملک بھارت 56 پوائنٹس کے ساتھ 81 ویں ، بنگلہ دیش 97 ویں ، سعودی عرب 70ویں، متحدہ عرب امارات 27 ویں درجے پر ہے۔

FOLLOW US