دنیا کے مختلف ممالک میں پاکستانی آم کورونا کیخلاف مدافعت بڑھانے کا اہم ذریعہ بن گئے، ماہرین

       

کراچی(ویب ڈیسک) پاکستان میں پیدا ہونے والے خوش ذائقہ اور رسیلے آم دنیا کے 40 ملکوں کو برآمد کیے جارہے ہیں جبکہ غذائیت ، توانائی اور وٹامن سے بھرپور پاکستانی آم کورونا کے خلاف جنگ میں فرنٹ لائن سپاہی کا کردار ادا کرتے ہوئے انسانی جسم میں قوت مدافعت بڑھانے میں اہم کردار ادا کررہے ہیں۔کورونا کی عالمی وبا کے دوران قوت مدافعت بڑھانے والی غذائوں بالخصوص پھلوں کی طلب میں نمایاں اضافہ دیکھا جارہا ہے، دنیا کے مختلف ممالک میں پاکستانی آم قوت مدافعت بڑھانے کا اہم ذریعہ بن گئے ہیں۔

فروٹ اینڈ ویجیٹبل ایکسپورٹرزکے مطابق پاکستانی آم کی مہک دنیا کے 40 ملکوں تک پھیل رہی ہے اس سال پاکستان سے 80 ہزار ٹن آم برآمد ہوگا جو کورونا کی وبا کے دوران قوت مدافعت بڑھانے کا اہم ذریعہ ہے۔ ایکسپورٹرزکے مطابق دنیا میں کورونا کی وبا کے دوران قوت مدافعت بڑھانے کے لحاظ سے پاکستانی آم کو فرنٹ لائن ورکر کہا جائے تو غلط نہ ہوگا۔ ماہرین کے مطابق پاکستان میں 100اقسام کے 18 لاکھ ٹن آم پیدا ہوتے ہیں جن میں زیادہ مقبول آموں میں لنگڑا، فجری، سندھڑی، چونسا، دیسی، رسولی، سنہرا، انوررٹول، طوطاپری، لال بادشاہ الفانسو، الماس، نیلم، گلاب خاص جیسی اقسام شامل ہیں۔ ملک بھر میں آم کی پیکنگ کے جدید 70پیک ہاوسز اور آم کو پھلوں کی مکھیوں سے پاک کرنے کے لیے ہاٹ واٹر ٹریٹمنٹ کے 40پلانٹس کام کررہے ہیں جن سے براہ راست 2لاکھ افراد کو روزگار مل رہا ہے۔
امریکا دنیا میں آم درآمد کرنے والا سب سے بڑا ملک ہے دیگر اہم ملکوں میں ترتیب کے لحاظ سے نیدر لینڈ، متحدہ عرب امارات، ویتنام، برطانیہ، جرمنی، فرانس، ملائیشیا، سعودی عرب اور اسپین شامل ہیں۔ پاکستانی آم کی بڑی منڈیوں میں متحدہ عرب امارات سرفہرست ہے دیگر ملکوں میں ایران، عمان، افغانستان، برطانیہ، سعودی عرب، قطر، جرمنی، بحرین شامل ہیں۔

آم کی عالمی مارکیٹ میں پاکستان کاحصہ5فیصد کے لگ بھگ ہے۔غذائی ماہرین کے مطابق وٹامن اے، وٹامن سی اور وٹامن بی سکس سے بھرپور آم غذائیت کے حصول کا اہم ذریعہ ہیں آم میں موجود زنک اور کیلشیم انسانی جسم میں قوت مدافعت بڑھاتے ہیں کورونا کی وبا کے دوران آم کے معتدل اور روزانہ استعمال سے کورونا وائرس سے بچا میں نمایاں مدد مل سکتی ہے پھلوں کا بادشاہ آم قدرت کی طرف سے ایک ایسا تحفہ ہے جو خوش ذائقہ ہونے کے ساتھ اس میں وٹامن سی سمیت دیگر قدرتی اجزا شامل ہیں جو جسم میں قوت مدافعت کو مضبوط کرنے میں مددگار ہوتے ہیں۔آم میں قدرت نے ملٹی پلز وٹامن اور منرل شامل کیے ہیں جس میں وٹامن سی، وٹامن اے، بی6، آئرن،کیلشیم، زنک اور وٹامن ای بھی شامل ہے یہ پھل بہت ہی کم کلوریز والا پھل ہے جس کے کھانے سے وزن نہیں بڑھتا، آم میں ہائی فائیبر بھی شامل ہیں جو قبض توڑتا ہے اور قبض نہیں ہونے دیتا انسانی جسم میں قوت مدافعت میں بے پناہ اضافہ کرتا ہے آج کل کووڈ19 کی وجہ سے عوام کی اکثریت وٹامن سی کی ادویات استعمال کررہی ہے۔ طبی ماہرین نے اس ضمن میں بتایاکہ وٹامن سی لینے کے لیے آم بہترین اور انتہائی مفید پھل ہے یومیہ 330 گرام آم کھانے سے کسی بھی قسم کا کوئی نقصان نہیں ہوتا،آم کھانے کا درست وقت صبح ناشتے اور دوپہر کے کھانے کے درمیان اور دوپہر اور شام کی چائے کے وقفے کے درمیان آم کھانا انتہائی مفید ہوتا ہے ویسے تو آم کسی بھی وقت کھایا جاسکتا ہے آم میں وٹامن اے کی بہت زیادہ مقدار شامل ہوتی ہے جوکم بینائی والے افراد کے لیے انتہائی مفید ہے یعنی آم کھانے سے بینائی بھی محفوظ رہتی ہے۔

انھوں نے بتایا کہ آم میں وٹامن سی کے ساتھ زنک اور کیلشیم کی بڑی مقدار شامل ہوتی ہے جس کے کھانے سے قوت مدافعت میں بھی اضافہ ہوتا ہی آنتوں کے انفیکشن کو کم کرنے میں معاونت کرتا ہے جبکہ اس پھل کے استعمال سے جگر کے افعال بھی درست کام کرتے ہیں۔دوسری جانب کورونا کی وبا کے باعث ہوٹل اور ریسٹورنٹ بند ہونے شادی بیاہ کی تقاریب پر پابندی اور سماجی میل جول نہ ہونے کی وجہ سے آم کی ملکی تجارت بھی متاثر ہورہی ہے۔ کراچی سبزی منڈی کے تاجروں کے مطابق رواں سال آم کی فروخت میں 40 فیصد تک کمی کا سامنا ہے جس کی وجہ سے مقامی مارکیٹ میں آم گزشتہ سال کے مقابلے میں 20سے 30فیصد کم قیمت پر فروخت ہورہا ہے، شہر میں جگہ جگہ پھلوں کے ٹھیلوں پر آم کی بھرمار ہے، آم کا سیزن سبزی منڈی کے چھوٹے تاجروں اور مزدوروں کے لیے روزگار کا بہترین ذریعہ ہے۔



اس وقت سب سے زیادہ مقبول خبریں


تازہ ترین خبریں
بریکنگ نیوز! پاک فوج نے دشمن کے چاروں شانے چت کردیئے، لائن آف کنٹرول پر بھارتی جاسوس ڈرون مار گرایا
پاراچنار میں زوداردھماکا۔۔ 20افراد زخمی، ہلاکتوں کا خدشہ
پاکستان کے بعد مزید 2 ممالک کا ذی الحج کا چاند نظر نہ آنے کا اعلان
تربت بازار میں زوردار دھماکہ، ایک شخص جاں بحق، متعدد زخمی
بھارتی فوج کی ایل اوسی پر بلااشتعال فائرنگ ، شہری آبادی کو نشانہ بنا دیا
بریکنگ نیوز! لائن آف کنٹرول پر بھارتی فوج کی بھاری ہتھیاروں سے بدترین شیلنگ، پاک فوج کا بھی منہ توڑ جواب

سپورٹس
پاکستان اور انگلینڈ کے مابین پہلا ٹیسٹ منسوخ ہو جانے کا امکان
آئی سی سی ورلڈ ٹیسٹ چیمپئن شپ پوائنٹس ٹیبل کی تازہ ترین صورتحال، کئی ماہ سے کوئی میچ کھیلے بنا ہی پاکستانی ٹیم کیلئے خوشخبری
پی ایس ایل 5 کے بقیہ میچز منسوخ کرنا لاہور قلندرز کیساتھ بہت بڑی ناانصافی ہو گی: علی ترین
بریکنگ نیوز:ایف بی آر نے کرکٹر محمد حفیظ پر کروڑوں روپے کا ٹیکس عائد کر دیا
انگلینڈ کیخلاف پہلے ٹیسٹ میچ کیلئے پاکستانی ٹیم کا اعلان کر دیا گیا، 3 کھلاڑیوں کی طویل عرصے بعد ٹیم میں واپسی
آئی سی سی نے ورلڈ کپ سپرلیگ کا اعلان کر دیا

Copyright © 2020 DailyQaim. All Rights Reserved | Privacy Policy