کراچی (ویب ڈیسک )سوزو کی نے مہران کی بکنگ بند کرنے کا باضابطہ اعلان کر دیا ۔ پاکستان کی معروف ترین کار ساز کمپنی سوزوکی نے مشہور زمانہ گاڑی مہران کی بکنگ بند کرنے کا باضابطہ اعلان کر دیا ہے ۔تفصیلات کے مطابق سوزوکی کی جانب سے مہران کی تیاری بند کرنے کااعلان کر دیا گیا ہے اور جاری نوٹیفکیشن میں کہا گیاہے کہ مہران کی

تمام ویرنٹس کی بکنگ بھی بند کی جارہی ہے ۔تاہم کمپنی کے ڈویژنل ہیڈ آف سیلز نے نوٹیفکیشن میں لکھا ہے کہ 4 اپریل 2019 تک ملنے والے تمام آرڈرز اپنے وقت پر مکمل کر دیے جائیں گے ۔ تفصیلات کے مطابق بی ایم اے کیپٹل کے تجزیہ کار فیض سلطان نے کہاہے کہ مہران کو بند کرنے کا اعلان تو کر دیا گیا ہے لیکن مارکیٹ میں اس کے متبادل کا انتظار رہے گا ۔نجی انگریزی ویب سائٹ ٹریبون نے انڈسٹری ذرائع سے کہاہے کہ آلٹو 660 سی سی بطو ر متبادل آئندہ ماہ متعارف کروائی جائے گی ۔جس کی قیمت تقریبا 11 لاکھ روپے کی قریب ہو گی تاہم مہران VX کی قیمت 7 لاکھ 99 ہزار اور VXR کی قیمت 8 لاکھ 80 ہزار روپے تھی ۔ تجزیہ کار فیض سلطان کا کہنا تھا کہ سوزو کی کیلئے یہ بہترین وقت ہے کہ وہ اپنی مہران کی فروخت بند کرے نئے چھوٹے انجن کے ساتھ گاڑی متعارف کروائے جو کہ اس وقت مارکیٹ کی ڈیمانڈ ہے ۔ان کا کہناتھا کہ مارکیٹ پہلے ہی آلٹو 660 کے بارے میں جانتی ہے اور یہ پاکستان میں پہلے ہی درآمد کی جارہی ہے ۔مالی سال کے آٹھ مہینوں میں سوزوکی نے مہران کی28ہزار944گاڑیاں بنائی ہیں جبکہ ان میں سے22 ہزار460بک چکی ہیں۔گاڑیاں بنانے والی معروف کمپنی سوزوکی کی گاڑی مہران جو کہ پاکستان میں سب سے زیادہ فروخت ہونے والی گاڑی ہے کو بند کرنے کا اعلان کردیا گیا۔