لاہور (مانیٹرنگ ڈیسک) نیب کی ٹیم نے مسلم لیگ ن کی رہنما مریم نواز کو گرفتار کر لیا ہے۔میڈیا رپورٹس میں بتایا گیا ہے کہ مریم نواز کو کوٹ لکھپت جیل کے باہر سے گرفتار کیا گیا ہے،نیب کی ٹیم نے مریم نواز کو حراست میں لے لیا ہے۔خیال رہے کہ آج سابق وزیراعظم نواز شریف سے جیل میں ملاقات کا دن ہے۔مریم نواز جیل میں والد سے ملاقات کے لیے آئی تھیں۔تاہم اس موقع پر نیب نے انہیں حراست میں لے لیا۔واضح رہے کہ مریم نواز کو نیب نے بھی طلب کیا تھا۔نیب ذرائع کا کہنا ہےکہ مریم نواز 31 جولائی کے سوالنامے کے

تسلی بخش جواب نہیں دے سکی تھیں، جس پر انہیں آج یعنی 8 اگست کو نیب نے طلب کر رکھا تھا۔نیب کی جانب مریم نواز کو دیئے گئے سوالنامے میں سرمایہ کاری اور اراضی سے متعلق مختلف سوالات کیے گئے ہیں۔سوالنامے میں کہا گیا ہے کہ مریم نواز چوہدری شوگر ملز کی تفصیلات فراہم کریں، مل کب لگائی گئی، سرمایہ کاری کہاں سے آئی اور شیئر ہولڈرز کون ہیں۔سوالنامے میں مزید کہا گیا ہےکہ 21 مئی 2008 کی غیر ملکیوں کی سرمایہ کاری کا جواب دیں اور 4 موضع جات میں خریدی گئی اراضی کی تفصیل بھی فراہم کریں۔